Pope Francis cu Puithiam cannakah  kum (40) luantu Puithiam pawl thawn tonawk nak an nei ding.

Pope Francis cu Puithiam cannakah  kum (40) luantu Puithiam pawl thawn tonawk nak an nei ding.

          Pope Francis khal cu leilung tlun in Cardinal, Archbishop le Bishop pawl vek in Diocese nei tu Bishop pakhat a rak si ve. A uk mi Diocese cu Rome a si. Hiti kan ti tikah leilung pumpi ih Catholic kawhhran a ti nak a si lo. Rome ih kawhhran kha a ti duhnak a si. Curuangah veikhat veihnih Bishop pawl ih an ti dan theu thawn pehpar ih thu a sim len “Keimah Rome ih Parist uk tu dinhmun in…” tin a hman theu. Leilung pumpi kawhhram pawl din hmun lawngah “Pope” tin thleidang in a hmang theu.

          Pope a cang tu zate cu punghman ih Rome ih Diocese uk tu an si theu. Curuangah Pope Fransic khal amai Parist a si mi Rome ih a tuukhal khualtlawn nak a feh nak a si. A tlawn ding thu cu kawhhran mipi pawl hnen ah tuandeuh in a rak sim than cia theu a si. Curuangah Pope a tong duh tu pawl a hnen an ra ih an ton theu, “Kan mah pawl cu Pope pa thawn kan um khat. Pope kha kan duh kan upat tuk” tin an ti theu. Pope tuvek ih a tlawn nakah Rome Diocese sungih rian tuan rero tu Puithiam can nak kum (40) a kim zo tu Puithiam pawl thawn tonawk nak an nei ding a si. Hiti an ton awk nak ah Puithiam can nak kum (70) a kim zo tu Puithiam pakhat thawn an tong aw.

          Hi Puithiam cu kum (95) a si. Pope cu hi Puithiam pawl thawn nazi 2 hrawng tikcu caan lakin an hmang tlang. Hi an tonawk nak ah Pathian hna an tuan nak thu, an hmuh ton mi harsat nak, tahthim nak ah mahte lawng um nak cuvek dinhmun a si.

          Pope cu Puithiam pawl thawn an tonawk theh hnuah midang a tongduh tu kawhhran mipi pawl thawn khal caan pek in a tong. Cupawl lakah mipa mi (70) hrawng, nauhak mi (100) luan pawl Pope Francis thawn tong aw in biakaw phah in caan an hmang. Cui nauhak a tam sawn cu hmaisa bik sacrament sang ding ih timtuah rero tu pawl an si.

          Pope Francis cu Pope a can hlan a riantuan lai ah kawhhran mipi pawl thawn an nai aw an nel aw tin a hmin a rak thang. Cuvek in Pope a tuan ihsinthok in tuvek caanserh pawl khal tu le tu a hmang theu ih Rome Diocese sung Diocese dangdang pawl hnen khal ah a feh theu.

          Hitivek ih Diocese pawl ih a feh nak ah Diocese sung ih rian tuan rero tu Puithiam pawl ih Puithiam an can caan thuhla pawl tla a sut. A ra thleng ding mi (May-29) ah kum 10 sung ih Puithiam a cang tu Puithiam pawl thawn tonawk ding ah tumtah nak a nei. Neta ah (1984-2014) kum sungih Puithiam a cang tu Puithiam pawl thawn ton awk nak an nei ding a si. Hi mi thuthang cu vatican thuthang ih kan don mi a si.