Pope Francis cu Rome khuapi ih thawnginn ih thawngtla pawl thawn an tong aw June 21, 2021

Pope Francis cu Rome khuapi ih thawnginn ih thawngtla pawl thawn an tong aw

June 21, 2021

          Bawi Jesuh ih Messiah a si nak ah ‘kaih a tuar mi pawl luat nak’ thu than ding khal a tel. (Lk 4:18) Cu vek in ‘thawnginn ka um lai ah ka hnenah ra in in ra zoh’ tiin a mai vorhlam kap ih a to tu in a sim.

          Mt 25:36, Curuangah thawngtla mi pawl, thawnginn ah feh in tha peknak, thlacamnak, bawmnak cu Bawi Jesuih in zirh mi khal a si.

          June 21, tlawngkai nikhat ni ah Rome khuapi ih thawnginn ih thawngtla 20 cu Pope Francis umnak Santa Martha tlawng ah an rak tong. Cui hnu ah cu pawl in Vatican Museum an zoh ta. An mah pawl le thawngtla pawl kiltu le thlarau lam lamhruaitu Puithiam pawl an tel.

          Vatican Museum cu may 3 ah mipi pawl ih zoh thei dingah tiin an rak ong sal. Pope a rak tong tu thawngtla pawl cu daan fek zet thawn a feh tu pawl an si lo. Khatlam zawng ih sim a si le thil sualpi a tuah tu pawl an si lo. Din sal nak a tul tu, nunphung dodal in a kilkhawitu pawl an si. Cui dinsal mi thawnginn ah thawngtla 163 an cohlang ko nain tu ah cun thawngtla 70 lawng an um.

          Kumdang March thla ah cun coronavirus ruangah thawngtla pawl thawnginn ih um an rak on lo. Cui thu bohcatnak cu hrekkhat thawngtla pawl in an lung a rak kim lo.Thawngtla pawl ih thlarau lam tuanvo nei tu Puithiam in a lenglam leilungpi ah besia zet in a cang rero mi dinhmun simfiang in a rak lem hai. A dang thawnginn pakhat ah cun thawnginn ur ih tlannak, thawnginn ih siivai peknak khaan siatsuahnak pawl a rak cang. Cui thilcang ah thawngtla 12 hrawng a mal bik an rak thi. Covid suanawknat humhim daan upadi cu thuthennak zungah an ret lai.

          Pope in March 11, 2020 ah covid upadi ruangah thawnginn sung tuahmawh awk nak zamrang ten reh dingah le nunnak a liam tu pawl hrangah Pope in video ih Missa sumnak a tuah nak ah a thla a rak cam sak. Pope in a rian tuannak tampi lak ihsin thawngtla pawl a rak hngilh dah lo. 2020, Thianghlim tlawngkai ninga ni ah Pope in ‘Thinglamtah’ lampi thlunnak ah ruah ding mi pawl cu nunphung a phunphun ih tuanvo nei tu pawl khal an ruahnak a rak telh ter ih thawnginn ah Biaknak lam tuanvo a silhkhah sak tu Puithiam khal in thawngtla pawl ai-awh in a hmuh daan a rak sim ve.

          Coronavirus a can hlan kum pawl tiang Pope Francis in a mai ‘Thianghlim tlawngkai nili ni’ tinten Rome khuapi ih um thawnginn pakhat khat ah feh in Bawi Jesuh ih netabik zaanriah ei puai Missa sumnak a tuah sak theu. Cui hnu ah netabik zaanriah ei puai Missa sumnak ah Bawi Jesuh in a dungthluntu pawl ih ke a kholh sak vek in thawngtla pawl ih ke khal a rak kholh sak ve. 2016 cu ‘zaangfah nak Jubilee’ kum a si ruangah Pope Francis in thawngtla pawl le an innsungsang pawl hrangah a ropi zet mi Missa raithawinak cu St. Peter Biakinn pi sungah ap in raithawinak ih a tel tu mipi pawl hnenah suahsannak nei ding, thatlonak le sualnak pawl ih a kop cih mi kan thinlung pawl zumnak, Pathian hnenah ziangkim hlan in hlawhtling cio dingah a rak forhfial.

          Cui Missa sumnak ah leitlunhuap ih thawngtla 1000 luan le a luat zo tu pawl tel in a rak ap. Cu vek in thawngtla pawl in innsang 3000 luan, thawngtla mi pakhat ciar ih rian tuantu pawl, Biaknak lam lamhruaitu Puithiam tel in raithawinak ah a rak ap.Cui thawngtla pawl ah kum a phun phun, sual nak dangdang, cawhkuah a kim mi thawngtla pawl tla an rak tel.

          Hi thuthang cu CNA thuthang ih kan ngah mi a si.

Photo courtesy of CNA

https://bit.ly/3d4UTeo