Pope Francis cu St.Joseph buaih thar 7 a bet May 1, 2021

Pope Francis cu St.Joseph buaih thar 7 a bet

May 1, 2021

            Nu Pawlpi cu kumtin May 1 ah hnatuan tu pawl a bawm tu St.Joseph puai ni cu hminsin in tuah asi. Tuikum May 1 niah St.Joseph upat nak in St.Joseph ih buaih thar 7 a bet thu Pope in a than. A hlan kum (2020, Dec 8) ihsin thokin (2021, Dec 8) ni tiang kumkhat sung "St.Jospeh" ni tiin a nemhnget. Nu Catholic Pawlpi ih biakkhawmnak thawn pehpar mi Secretary in leipar ih Catholic Bishop pawl pawlkom hnenah atuvekih a bet sal nak thu a sim fiang.

            A sim fiang nak ah "tui kum cu Nu Catholic Pawlpi in St.Joseph hnen leitlun killi ih Pawlpi a bawm tu Mithianghlim tiin than in a upat nak cu kum 150 a kum thu, curuangah Pope Francis khal in "Patiris Corde" hmin pek mi capi pakhat khal "St.Joseph hnen upat sunloihnak pek dingah, a thlacam bomnak dil dingah, a nuntu zia cawng dingah" a tum tah.

            Hi tivek tuah asi ruangah 1909 kumih rak nem hnget mi St.Joseph litany buaih 7 an bet thu, himi buaih 7 ih a hrampi cu Latin tong in a si. Cumi pawl cu

1. Custos Redemptoris (Guardian of the redeeme) - Rundamtu kilkhawi tu

2. Serve Christi (Servant of Christ) - Christ  ih rian tuan tu

3. Minister Calutis (Minister of Salvation) - Rundam tu ih hnatuan tu

4. Fulcimen in difficultatibus (Support in difficulties) - Harsat buainak ton caan ah bawm tu

5. Patrone exsulum (Patron of exiles) - A tlan tu pawl bawm tu

6. Patrone afflictorum (Patron of the afflicted) - Nat tuar tu pawl bawm tu

7.. Patrone pauperum (Patron of the Poor) - Farah zonzai pawl bawm tu cutivek pawl an si.

            A tui bet mi buaih pawl ruangah St.Joseph ih Litany ah buaih 31 tiang a thang. Hi mi thu thawn Pehpar awk nak a nei tu Bishop pawl in mai Diocese sungah hmang mai tong thawn a hman bik in tong let in hmang ding a si. Himi thuthang cu Vatican thuthang ihsin kan don mi a si.

https://bit.ly/2PJu6vH