Pope Francis cu Vatican ih thaal tlawngpit ih an tuah mi Camping ah a feh. (July 20, 2020)

Pope Francis cu Vatican ih thaal tlawngpit ih an tuah mi

 Camping ah a feh.

(July 20, 2020)

         Pope Francis in ziang thu hman sim ta lo in Vatican ih an tuah mi thaal tlawngpit camping ah a feh ih tindaan a kai tu nauhak pawl siseh,  tuanvo nei tu pawl siseh an mang a rak bang theh.

         Pope Francis in tlawngkai nikhat ni nazi pakua luan hrawngah tindaan a kai rero mi nauhak pawl hnenah Pope Paul a paruk nak ih Hall Khaan ih zing rawl an ei lai ah a thleng ih an mang a bang theh. Pope Francis cu nauhak pawl thawn nel aw zet in an rak biak awk. Cu vek tho tho in Hall Khaan sung khal ah leh nak dingih an timtuah nak hmun pawl khal a mah rori in a va zoh.

Cui hnu ah nauhak pawl thawn an to tlangih rualpi thar hawl ding, mah leh mah nuam nak ding lawng a tuah tu cu mai that nak lawng a ruat tu an si. Curuangah nan nih cu nan rualpi pawl thawn um uhla nuam zetin caan hmang uh tiah a sim. Cui hnu ah hi tindaan a tawlrel tu tuanvo nei tu pawl hnenah lungawi thu a sim ih zinglam nazi 10 hrawngah a um nak ah a tlung sal.

         Hi Camping cu July thla in an phuan thok ih cu mi cu Vatican hmuan sungah an tuah ter. Tindaan ah nauhak 100 luan an um ih kumnga in kum hleili tiang an um.

         Hi nauhak pawl cu Vatican sungih hnatuan nei innsang nei zo tu pawl ih fa le pawl an si. Tindaan cu sunvuu kai mi tindaan a si ih nikhat sungah thlacam nak ti vek pawl an programme sungah an telh. Leh nak lam pawl ah tileuh nak, Tennis, bawhlung, ping pong le basketball pawl an tel.

         Hi vek in an tuah ko nan Covid-19 nat karh lo dingih thlun a tul mi pawl cu tha zetin an tuah. Hi programme cu Pope Francis in a cang ter duh ih Vatican ih tuanvo nei tu in tuah dingih a rak tawl rel mi a si. Ziangah tile nauhak pawl ih thaal tlawngpit tik cu caan cu that hnem nak nei zet in an caan a hman ter duh ruangah a si.

         Hi tindaan sungah Salesian Pawlkom sung tel pawl le “Tutti in una festa” ti mi pawlkom sung tel pawl in an bawm. Hi mi thuthang cu July 20, 2020 ah Vatican thuthang ih kan ngah mi a si.

https://bit.ly/3hrADTW