Pope Francis Cyprus le Greece ramah a Tuukhaal khualtlawng dingin timtuah. (November 27, 2021)

Pope Francis Cyprus le Greece ramah a Tuukhaal khualtlawng dingin timtuah

November 27, 2021

         Pope Francis cu a ralai ding mi tlawngkai nili ni ah Cyprus le Greece ramah a Tuukhaal khual a tlawng ding. Pope cu Cyprus ah ninih rei a um ding. A khualtlawnnak hmun a thlen ni ah ram hotu pawl thawn an tongaw ding. Tlawngkai ninga ni ahcun Orthodox Khristian pawl hnenah a leng dingih Missa sumnak cu lehpannak zungah a tuah ding. Cui hmun ah mivai tu pawlkom pakhat thawn an tongaw dingih Italy ram ih tikulh pawl ih um thei dingah thu an rel tlang ding.

         Pope ih thlennak cu cui hmun acozah khal in a hngakhlap zet. Ziangah tile 1974 ah Turkey pawl ih ram nawrnak ruangah mai umnak hmun a tansan tu Maronite Catholic pawl hrangah khal thu kan rel tlang ding tiah an ruahsan. Mivai tu kohhran pi pawl khal Pope a thlen ih thurel tlangnakin ramkhel lam buainak pawl simfiang in an umnak hmun tlun an duh.

         A thaizing Zarhte ni ah Pope cu Greece ram ah khual a tlawng ding. Greece ram ah Catholic mipum cu ram mipum ih zateek pakhat hnak in an mal. Zateek 90 cu Greek Orthodox Christian pawl an si. Greece ram an thlennak bik cu Zarhpi ni zinglamah a um ding. Cui caanserh cu Greece ram, Lesbos ram ih a thleng tu Europe ram ih a tlan tu mi harsa pawl thawn an tongaw ding.

         Pope Francis cu hi tikulh fate ah 2016 ah veikhat a rak thleng dah zo. Pope in tlawngkai nikhat ni ah Athens khuapi ih um Catholic Biakinn ih mino pawl thawn an tonawk theh hnu ah sun hnuah Rome ah Vanzam thawn a tlung sal ding.

         Hi thuthang cu Rome Reports thuthang ih kan ngah mi a si.

https://bit.ly/3FVAHaH