Pope Francis, December thla thok lamah Cyprus le Greece ram  tlawng ding (November 5, 2021)

Pope Francis, December thla thok lamah Cyprus le Greece ram  tlawng ding

(November 5, 2021)

         Pope Francis in December 2-4 tiang Cypriot khuapi Nicosia a tlawng hlan ah, Greece khuapi Athens, le Lesbos ih tikulh ah a tlawng ding. Pope zungin mipi theih in Pope cu December thla thok lam ah Cyprus le Greece ram ih a tuukhaal khualtlawnnak cu ninga hrawng a rei ding tiin tlawngkai  ninga ni ah a rak than. Cyprus ih khuapi Nicosia ah December 2 in 4 tiang a tlawng ding. Cu theh in Greece ramah December 4 tiang a um dingih Athens le Lesbos ah December ni 6 ni, Rome ih a tlun hlan sung a um ding.

         Pope zung ih suah mi vek a si le Pope cu Cyprus le Greece ih a Tuukhaal khualtlawnnak cu thuneitu pawl le Bishop’s Conference pawl ih sawmnak ruangah a si. Schedule pawl cu tikcu khel in tarlang a si leh ding. Pope Francisih Cyprus ih a tlawnnak cu 2010 ah tipithuanthum tikulh ah a Tuukhaal khual rak tlawngtu Pope Benedict XVI ih kekar a thlunnak a si. Cyprus tam sawn cu Greek Orthodox tiih nemhnget an si ko nan an ram ah rin um zet mi Catholic 11,000 hrawng an um. Tamsawn cu kumzabi 12 ah Jerusalem a sun hnu ih rak um tu Crusaders rakbuai laiih rak thok tu pawl an si. Kumzabi pakhat ah Cyprus ih tikulh uk tu Rome acozah, Sergius Paulus cu Christian nunram ah a rak lut. Bawi Jesuh in thihnak ihsin a rak thawh ter sal mi St. Lazarus cu hremnak ruangah Cyprus ah a rak tlan ih Dungthluntu Barnabas le Paul pawl in Bishop cannak an rak pek. A thlaan cu thlanglam ih khuapi Larkaka ih um, Byzantine san lai ih St. Lazarus Biakinn hnuai ah a um.

Lesbos ih feh salnak

         Pope ih Greece ram a khualtlawnnak cu 2016 ah Greece ram Lesbos tikulh ah nikhat rei a tlawn hnuah tu cun a veihnihnak khualtlawnnak a si ding. Cui khualtlawnnak sungah Pope in Constantinople ih pipu, Bartholomew I le Athens ih Archbishop le Greece ram ih Archbishop Leronymos II a rak tong. A mah cu Syria miharsa innsang pathum thawn Vatican ah an rak tlung tlang ih nauhak 6 tel in an zaten 12 beunak a rak pek. Mi harsa pawl umnak Moria cu 2020, September thla ah meisa kang ih siatsuahnak ruangah an rak phit.

         Hi thuthang cu Vatican thuthang ih kan ngah mi a si.

https://bit.ly/3BVDCh9