Pope Francis ih Baptism a rak pek mi taksa peh faphir te ih Nu ih lungawi thu sim nak. August 11, 2020

Pope Francis ih Baptism a rak pek mi taksa peh faphir te ih Nu ih lungawi thu sim nak.

August 11, 2020

         Hermine Nzotto ti mi Nu pakhat cu a fanu tei pahnih faphir pawl Baptism a pek ruangah a lungawi thu Pope Francis hnenah ca kuat pakhat a rak ngan.

         America a laifan nak ram mi a si mi cu nu cu khuapi Bangui ih peng pakhat a hlat nakih um khuate pakhat in a si. A mah cu 2018, June thla ah an zaang ih peh aw mi nunau faphir a rak hring.

 Cui hnu ah faphir pawl cu operation tuah dingah Bangui khuapi ih sizung ah an feh pi. Cui sizung cu Vatican ih um Diocese hoha tu Bambino Gesu sizung ih bawm nak pek mi sizung a si.

 September thla ah Rome ah operation an tuah mi a voithum nak nazi 18 rei mi operation theh ah nauhak pawl cu hlawhtling zet in operation an rak tuah suak thei. Cui operation tuah nak ah Erina le Prefina ti mi nauhak pahnih cu Surgeon 30 in zuam zet in operation an rak tuah.

         Nauhak pawl cu a hlan ah operation an rak tuah dah ih sizung cu 2015 kum, Pope Francis in khual a tlawn lai ih a ton mi ralthawhnak in an ram hrangih a rak pek mi bawm nak a si.

         Cui hlei ah cui caan ah Pope in Bangui khuapi ah zaangfah lainat nak kum ti mi a rak din. Cui hnu ah ca sungah “Pope Francis ih Baptism pek nak ruangah ka fanu Frances le Mary pawl cu mi vantha zet mi an si.

 Ka zir dah lo mi fimthiam nak pawl khal ka zir ngah ih Bible Cathianghlim khal ka zoh thei tiah a rak  ngan.

         Pope Francis ih on mi a thianghlim in sangkaa cu kei mah vekih a tulsam mi pawl hrangah Sibawi, Sayama pawl hrangah na on mi pehtlaih awk nak lilawn a si.

         Cu lawng si lo in “Pope Francis ih zaangfah lainat nak cu thanau mi pawl thawn a um mi Pathian in thei ter. Thlacamnak cu miphun hmuahhmuah an lung a rual ter ih a famkim ter thu cu nauhak pawl ih nu in ca a rak kuat. Hi thuthang cu August 11, 2020 ah Vatican thuthang ih kan ngah mi a si.

https://bit.ly/33UzyAm