Pope Francis ih Iraq ram khualtlawn nak program ih kilhim nak cu ram mi pawl in tuanvo la ding. January 12,2021

pope_francis_ih_iraq_ram_khual_tlawnnak_ding_thu_cardinal_is_simnak.png

Pope Francis ih Iraq ram khualtlawn nak program ih kilhim nak cu ram mi pawl in tuanvo la ding.

January 12,2021

            2003 kum ah aveihnih nak a cang sal mi America le Iraq ralbuai nakah ram tampi pawl cu anmah pawlih dungthluntu pawl hnen Iraq khuapi asimi Baghdad myo ah an ko sal. Ralbuai nak dodal ringring tu Vatican in cui caan ah Iraq ram hrangah Pope ih aiawh tu asiih a tu Cardinal asimi Fernando Filoni hnen America ihsin Iraq ram ih bung puah nak dodal a tul thu a sim. Tuikum a ra dingmi March thla ah Pope cu Iraq ram ah a tuu khal khual tlawn nak in a feh ding ih, cui a khualtlawn nak ah Pope cu kum khat luan rei ISIS pawl ih kutang ih um an tuar nak Mosul myo khal ah a feh ding.

            Pope ih a khualtlawn nak kilhim nak hrangah tih phan nak a um ding. Cardinal Fernando Filoni in "pek awknak thu pawl lawng sim asile cuihmun feh a tul lo. Asinan ramih thunei tu pawl cu ziangkim remcang dingah tuah ding a si. A dang caanserh pawl khal humhim nak cu ram mi pawl thotho in tuanvo an la ding ih, ralkap pawl ih tuah daan le ramih tuah daan pawl hnak in a sang ding tiin zum a si thu" a sim.

            Harsat nak karlak ah Pope ih a tu vekih fehnak cu Khristian kawhhran ih ruah sannak asiih Nu Pawlpi cu minung pawl thawn a um ih mi tampi an tuar caan ah kanmah khal kan tuar ve nak cu Pope Francis in a tuvek ih tuah nak thawn a hmuh thu Cardinal Fernando Filoni in a sim bet. Pope ih tuitum khualtlawn nak thawn Iraq ih a um mi kawhhran mipi malte hrangah midang pawl ih upat nak a cang ter ding tiah zum a um. Himi thu cu Rome Reports thuthang ihsin kanngah mi a si.

Photo coustesy of Rome Report

https://bit.ly/2LA7rQd 

Add new comment

6 + 0 =