Pope Francis ih Sibawi covid-19 natnak in a thi January 9, 2021

Pope Francis ih Sibawi covid-19 natnak in a thi

January 9, 2021

          Pope Francis ih a mai bulpak a sibawi, Fabrizio Soccorsi cu corana nathrik in a thi tiin Vatican in a rak tarlang. Kum 78 a si mi Cancer natnak lam a zoh tu le nat nak a phunphun zoh thiam zet tu Rome’s Gemelli Hospital ah a thi tiin Vatican newspaper L’Osseratore Romano ih sim mi vek in kan thei. Pope Francis in Soccorsi cu a mai bulpak siibawi ah Vatican’s healthcare services (Vatican ih harhdamnak lam hnatuan tu pawl) ih hotu a si mi Pope ih siibawi Patrizio Polisca thleng a si hlan August, 2015 in Pope ih bulpak siibawi ah tuanvo an rak pek. Pope St. John Paul a pahnih nak Pope a tuan ihsin thok in dinhmun pahnih tuan tlangtu a si.

         Asinain, Pope Francis in Vatican lenglam ih Doctor a si mi Soccorsi hrilnak in an tuah daan a rak thleng. Pope Francis ih bulpak siibawi a si nakin Soccorsi in Pope Francis ih leitlunhuap a khualtlawnnak ah a rak thlun.Fatima le Portugal a tlawn caan, May 2017 ah Pope Francis in Bawinu Maria zuk umnak hmun a feh hlan te ah besia zet in a na ih cui khual an tlawn thla ih a thi tu Soccorsi ih fanu hrangah hninsi rang parhnih a rak ret sak. Soccorsi in siivai le mi khuai daan cu Rome’s La Sapienza University ah a rak zir. A pumcawmnak ah siivai lam tuah tak tak nak le zirhnak  a pahnih in a tel. A thupibik in thinlung nat, pumpi lam le natsuanawk thei lo nak lam fimthiamnak lam a hleice in a rak zir. Pope ih siibawi in “The health and hygiene office of the Vatican City State” hrangah le “Mithianghlim pawl ih thuhla pawl zingzoi tu senpi vantlang” hrangah siivai lam thiam zet tu council ah a rak tel ve.

         Hi thuthang cu CNA thuthang ih kan ngah mi a si.

Photo- Credit: Vatican Media/CNA

https://bit.ly/39hVGG9