Pope Francis in Indonasia ram ih thu neitu pawl hnen Biaknak lam ih khat le khat thurel tlangnak cu khat le khat karlakah upat awknak a thang ter tiah sim. (September 4, 2024)

Pope Francis in Indonasia ram ih thu neitu pawl hnen Biaknak lam ih khat le khat thurel tlangnak cu khat le khat karlakah upat awknak a thang ter tiah sim. (September 4, 2024)

Pope Francis in Jakarta ih um Istana Negara President hauhruangah ramih thu neitu pawl, khuanu khuapa, pawlkom pawl le ram palai pawl thawn an tonawknak tlawngkai nithum niah a mai a hmaisabik thusimnak (thucahnak) cu Indonasia ram ah a rak nei.

Pope cu President Joko Widodo le Vatican Thantar, Indonasia Thantar a kengtu nauhak pawl le President kiltu pawl le mitampi in hmuahnak caanserh an rak hmang.

Sunloihnak capi lethmat thutnakah Pope in Italy ttongin hi tin a rak ngan. A bangaw lo mi biaknak pawl tonawknak hmun a si mi hi ram ih a mawi mi tonawknak ah indonasia mipi pawl hnen zumnak, ulenau sinak thawn zaangfah lainatnak thinlung karh sin hram seh tiah duh thu ka sam. Indonasia ram Pathian in thlasuah pe hram seh tiah Pope in a rak ngan.

Ramih thunei tu pawl hnen Pope in a thu simnak ah Indonasia ram ih in rak hmuaktu zate parah ka lungawi thu le Tipithuanthum cu a mai tikhul pawl tampi a kom ter bangtuk in ramih miphun tampi le bikanak tampi pawl kha an mai rualremnak puan (thil)  tiah kawh theih a si thu thupit in a rak sim.

Nan mai motto ah a bangaw lo mi minung pawl ih um daan pawl kha ramkhat le ramkhat rinum zet ih rualremnak pawl thawn an kai aw thei ding tiah a rak sim.

Bangawk lonak a phunphun karlakah  unau vekih ruahawknak in mitinkim ih thatnak hawlnak ah unau khat le khat ih ruah daan cohlang thei dingah a tul thu Holy Father in a rak sim.

Nunphung bangawk lo nak le a bangaw lo mi ruahdaan, hmuh daan  pawl thawn rualremnak a hngetkhoh ter mi ti daan pawl karlakah hi fim mi le a nem mi tahnak cu bangawk lonak pawl humhim ringring seh tiah a rak sim.

Hi tivekih kutthiam pawl ah Indonasia  ram zaten an tel ih khat le khat karlak ah zawnruah awknak, biaknak bangawk lonak, minung covo upatnak, thansonak le remdaihnak hrang zuamnak pawl ah zuam cio dingah a rak sawm.

Biaknak tinkim thurel tlangnak cu a tul lo mi huatawknak  pawl kha a hlo ter ih khat le khat parah upat awknak le nikhua lam khal ah a bawmaw thei tiah a rak sim.

Cuihnu ah Pope Francis in Indonasia ram ih 1945 kum ih daan hrampi kha " A zate ih a thiamtu Pathian'' le nunphung lamah dikten um nak ti mi cathluan kha tuletu a rak sim.

1989 kum ih Jarkata ih a rak tlawngtu Pope John Paul II ih sim mi kha mangsal in a sim ih ram ih thu neitu pawl hnen " rammi pawl zate ih thu le ramkhel lam ah upatnak nei dingah a rak sawm ih midang pawl pom thiamnak le upatnak parah hrambun in rampi ah lungrualnak thang dingah a rak forhfial.

Remdaihnak cu dingnak le zawnruahnak a si ih mitin kim ih hna a si.

Pope Francis in kanmah pawl cu kan mai thatnak le ruahsannak lawng silo in zate thatnak hrang karlakah pehtlaihnak lilawng sak dingah, rualremnak thawn lungrualnak pawl tuah tlangin tidaan phunkim neh dingah thazaang tampi kom a sile khatlekhat karlakah rualremnak a suah ter tiah a cemnak ah a rak sim. sumdawnnak le nunphung lam thawn pehpar ih harsatnak pawl remdaihnak le lungrualnak khaisang dingah a rak forhfial.