Pope Francis July thla ah Canada tlawng ding (May 13, 2022)

Pope Francis July thla ah Canada tlawng ding

(May 13, 2022)

         Pope Francis cu July 24-30 tiang Canada ah a tlawng dingih Edmonton, Quebec le Iqaluit khuapi pawl ah a feh ding. Pope Francis in cui hmun mipi le biaknak lam thuneitu pawl le pawlkom pawl ih sawmnak a cohlang ih July 24-30 tiang Canada ram ih a feh ding thu Holy See Press Office in tlawngkai ninga ah a rak than.

         A ralai ding mi July thla ah Pope ih khualtlawnnak cu Edmonton, Quebec le Iqaluit khuapi pawl an a feh ding a si. Pope ih Canada ram khualtlawnnak thawn pehpar mi a dang thunepnawi pawl cu a ralai ding mi Zarh pawl sungih suah thei ding a si thu Pope Zung, Press Office ih thusuah ah a tarlang.

Canada zung ai-awhtu pawl thawn tonawknak

         Pope Francis in kan dung Zarh rei lo te ah Vatican ihsin Canada mipi ai-awhtu pawl thawn an rak tongawk. March 28 ah Pope cu Metis le Inuit ai-awhtu pawl thawn tonawknak le March 31 ah First Nations ai-awhtu pawl thawn an rak tongawk. Cui hnu April 01 ah Canadian Bishop’s Conference (CCCB) ai-awhtu pawl le ai-awhtu pathum a rak tong.

         Tonawknak pawl cu Pope Francis in ‘nung cing ih a damtu pawl ih hlawm mi thinnat thlak zet mi thuhla pawl hrang hmun pek dingah le cu tawk ih mipi pawl ih ton rero mi thinlung hriamhma pawl le natnak pawl fiang ter dingah, a thupibik in kan dungkum ih a thang zet mi hleice tak in Pope thawn tonawknak an rak nei. Za leng lo mi mipi pawl ih ruak pawl thawn Komloops, Indian Residential School ih thlaan pawl thuhla an rak rel tlang. Cui tonawknak cu 1880 ihsin kumzabi 20 ih netabik zabi kum pawl tiang rapthlak zet mi hngilhlonak ah Catholic pawlkom pawl ih hoha mi acozah sumpai thawn cui hmun ih mino pawl fimthiamnak pek dingah le thleng aw dingih an zuam kha hmuh a theih.

         Pope Francis in ‘Catholic mipi pawl a hleice in mai tuanvo pawl rak tuantu Catholic mipi pawl ih thinhengnak le mualphonak pawl’ parah ah thu a rak sim. Cui caan ah Pope in an tongkam pawl le teette khaan mi pawl a rak tam zet ih nan sungkua pawl umnak, nan suahnak ram ih nan thlen tikah an mah thawn tonawknak ih thathnemnak nan tep sal ding tiah a rak sim bet.

Canada Bishop pawl in Pope hmuahnak

         A dangten an suah mi ah Canadian Bishop’s Conference hotu Bishop Raymond Poisson in ram ih Puithiam pawl cu ai-awhtu in Pope ih khualtlawnnak nemhnget a si thu a rak sim. Pope in hi ram ih mipi pawl thawn tonawk salnak tuah dingah kan sawmnak a cohlan ruangah kan lungawi tuk’ tiah Bishop Poisson in a rak sim. “Hi thuanthu sung tel ding mi khualtlawnnak hrang caanserh tuahnak thawn Pope ih harhdamnak hrang thlaza kan cam,” tiah a rak sim bet.

Edmonton, Iqaluit le Quebec

         Pope ih fehnak ding khuapi pathum thawn pehpar in Edmonton cu Canada ram ih um khuapi pawl ah mipi um tambiknak a tambik mi pahnihnak a si ih Canada ram ih um ziangvek ramthen khal ih tambik mi Alberta ah minung umnak tlawng 25 ih a um thu thuthan sungah a tarlang. Iqualuit cu mipum 8000 zikte an um ih Canada khuapi zate ih Inuit (3,900) ah mipum tambik a si. Quebec cu Ste ih inn a si. A reibik mi Anne-de-Beaupre le hminthang bik mi khawmzawhtu pawl sungih pakhat a si mi Canada le leitlunhuap ih a dang miphun pawl kumtin ten a hiip thei.

         Hi thuthang cu Vatican thuthang ih kan ngah mi a si.

https://bit.ly/3wvd9Gw