Pope Francis Kazakhsatan a thleng zo. (September 13, 2022)

pope_francis_an_rak_hmuahnak

Pope Francis Kazakhsatan a thleng zo.

(September 13, 2022)

           Pope Francis cu September 13 ah Kazakhstan ah a Tuukhaal khualtlawnnak a rak feh thok ih cui hmun tikcu caan sun nazi 1:27 pm ah Nur-Sultan Nazarbayev airport ah a thleng. President Kassym-Jomart Tokayev le Asia ram mipi le biaknak lam hotu pawl in Pope Francis an rak hmuak. Pope ih hmaisabik Kazakhstan ram khual a tlawnnak cu President inn ih um thuneitu pawl, ramkhel hnatuan tu pawl, ram palai pawlkom pawl thawn tongawk ding mi khualtlawnnak a si. Pope Kazakhstan ram a tlawnnak cu a tlangpi thu in vei (7) nak leitlunhuap biaknak le nunphung biaknak lam hotu pawl ih congress ih tel dingah a si.

           Pope Francis cu September 13, zinglam ah congress  onnak conference ah a tel dingih ram (100) hrawngih a tel tu pawl in an hmuak ding. Remdaihnak hrang biaknak lam thawn pehpar mi ih general secretary dinhmun in Azza Karam ih “Pope Francis a um nak in hi vei (7) nak biaknak phunkim congress tuah mi ih thil terek pawl a khaisang ding tiah a rak sim. Pope in nuntuziaza lam thawn pehpar mi tuanvo pawl pelh lo in a tuan ih nunphung pawlkom pawl dam dingah le harsatnak pawl kham a tul thu Prof. Karam ih fiang zet in a rak sim. “Curuangah zumtu dinhmun in mah le mah remdai ten umnak tel in harsatnak pawl cingfelnak le hrialnak pawl cu ziang vekih tawlrelnak le hrialnak tuah ding a um ding thu” Prof. Karam in a rak sim bet.

           Pope in September 14, sun ah Congress ih netabik thuthan a siar hnu a thucahnak thawn a cem ter ding. Pope in Kazakhstan Catholic pawl a nelnak le tha a pek nak thu a sim. Tlawngkai nithum ah Catholic Pawlpi hrangah Nur-Sultan ih um “Expo Groungds” ah Mass raithawinak a tuah ding. Catholic kohhran mipi pawl cu Kazakhstan ram mipum taan 19 sungin zateek 1% lawng an um ih Muslim cu zateek 70% an um ih Russian Orthodox cu zateek 25% an um. September 15 ah Pope Francis in ram ih um Puithiam pawl, Pathian thusimtu saya pawl, thusimnak le biaknak lam ih mipa, nunau pawl thawn Our Lady of Perpetual Help Cathedral ah an tongaw ding.

           Karaganda ih um Catholic seminary tlawng hotu, Fr. Ruslan Rakhimberlinov in cui hmun ih pawlkom cu an suahnak ram ah Pope a tlawn ruangah thluasuah an ngah thu Vatican thuthang ah a rak sim. “Kan hrangah Kazakhstan ram Pope a tlawnnak cu thazaang mal mi Kazakhstan ram ih Catholic mipi pawl hrangah caantha pakhat a si,” tiin Puithiam in a rak sim. Pope Francis cu tlawngkai nili ah Rome tikcu caan zaanlam nazi 8:00 pm hrawngah Rome ah a kirsal ding.

           Hi thuthang cu RVA thuthang ih kan ngah mi a si.

https://bit.ly/3xiP5I3

Add new comment

2 + 2 =