Pope Francis in Latin America ih Sister pawl hnen ‘lungawi zet ih teette khaan tu’ si dingah a forhfial (August 13, 2021)

Pope Francis in Latin America ih Sister pawl hnen ‘lungawi zet ih teette khaan tu’ si dingah a forhfial

August 13, 2021

          Latin America le Caribbean hmun ihsin thukam pathum a laktu Sister pawl ih nithum sung ‘Online congress’ an tuah theh ni, tlawngkai ninga ni ah an rak an rak tuah. Hi congress cu Latin America ih Sister pawlkom ih timtuah mi a si. Hi thurelkhawmnak ah ‘ramhuap pawlkom, ram tinkim ih nunphung le thukam pathum a la tu pawl ih nunramah’ ti mi thupit in an rak rel tlang.

Nunphung le Pathian thuthangtha

          Hi thureltlangnak caanserh thokah Pope Francis in video thawn thucahnak a rak nei. Thu a cah mi ah Pathian thuthangtha thawn thucahnak a rak nei. Thu a cah mi ah Pathian thuthangtha cu cui hmun pawl ih nunphung pawl parah bun aw in tuan dingah le mithmai pan te khal hmuh ding a thupit thu a rak sim. ‘Nunphung rian tuannak’ ti tikah a hlan vek in riantuannak hmunih um nunphung cu Khristian pawl ih zumnak le rualrem dingih tuah nak a ti duh san a si. Sister pawl in zumnak cu mai riantuannak hmun le ram pawl ih um miphun pawl ih nunphung ah bun aw in sim thiam a tul. Lungrualnak cu hmunkhat cekci ih tuah a tul lo thu khal theih a tul. Lungrualnak cu a bang aw lo mi dinhmun pawl rem ter dingin thu ron aw ih umnak a si. Cu vek dinhmun ah rualrem dingih lamhmuh tu cu Thiang Thlarau a si.

Thuthangtha simnak nunphung

          Mipa, nunau, thukam pathum a la tu pawl cu mai riantuannak hmunih dinhmunah bunaw in riantuannak thawn theology lam khal tha peknak ah a can ter thu le Pathian thuthangtha sim dingah pehtlaih awknak a si. Nunphung parih a hram toh lo mi zumnak cu a dik lo. Ti duh san cu kohhran mipi pawl ih nunram sungah an zumnak tel a tul. An mai nunphung, cin le daan pawl upat phah in thuthangtha sim a tul. Cui hmun ih um khua mipi pawl ih nunphung upat in Khrih thuthangtha thawn a kaih lo ah cun hlan Khristian pawl karlak ih um mi ‘ruahnak lawng thuhram ah ret mi ti daan’ (Gnostic) ih ruahnak vek ah a cang ding. Thathnemnak um lo ah a cang ding. Nu Pawlpi ih Biakthawinak thawn pehpar mi dinhmun vek a si le cui hmunih dinhmun thawn kaih lo in ca uk ta lawng thlun in a peng zawng in a sawhkhih. Curuangah zumnak cu nunphung parih hrambun dingah le nunphung thu sim a tul.

A hlan thilcang mi vunruahsalnak pahsuak tlang uh si.

          Mithianghlim pawl ih nunram pawlkom thawn um thiam dingah in zirh. Hi tiin pawlkom thawn um tlang thiamnak cu unau thinlung a suak ter tu lamzin a si. Asinan, a hlan vek thotho in pawlkom sung mi tam ding lawng ruat in pawlkom thawn um tlang thiamnak thinlung nei dingah cun kan tha a mal tuk lai. Pawlkom a din ringring thei nak cu a thupibik ah an ret cio. Curuangah mipum le thil thiamnak pawl ruah tuknak pawl hrial a tul. A si lo le thukam pathum a la tu pawl hnenah tihphannak thawn a khat mi dungthluntu pawl vekin ziang hman thei lo le thiam lo ti mi ruahnak a suak ter thei. A liam cia mi thu ruahsalnak cu pumpek nunram hrangah ralrinnak pek tu khawnglawng a si.

Khrih ah aipuang ten um in thiam uh.

          Latin America le Caribbean hmun ih mipa, nunau thukam pathum a laktu Sister pawl hnen ah cui a liam cia mi vunmangsalnak nat dam ter dingah sii phunkhat Pope Francis in a rak pek. Cui sii cu lungawi nak a si. Pathian ih a thianghlim mi miphun thawn um tlang uh. Upat uh. Pathian thuthangtha phuang uh. Nunram thawn tetti khan uh. A tanglai mi dinhmun pawl zaten Thiang Thlarau ih lam hruai nak dil uh. Lungawinak cu Bawi Jesuh hnenih a um mi nunram a si thu a tumbik mi langter nak a si. Lungawi nak cu anmai rian tuan dingah le rualpi si dingah kekar dingah kawh nak a ngah tu Pathian ih a thianghlim mi miphun cu Pa Pathian hnen in hruai tu ah kan mah in pek thei tu a tumbik mi thil a si.

Hnihsuah sai phahphah in um uh.

          Hnih suah saithiam nak cu nuamnak pek tu thluasuah pawl an si. Bawi Jesuh thawn umnak lungawi nak a si. Lungawi nakin thianhlim nak in pek tiah a rak sim.

A thusim cem nak ah Pope in congress ih a tel tu pawl zaten Bawinu Maria zoh thim dingah, culawngah dinhmun a phunphun a tong tu ulenau pawl a sawm dawl thei tu pawl ah kan cang thei dingah tha a pek. Himi thuthang cu Vatican thuthang ihsin kan don mi a si.

https://bit.ly/3m7JXlw