Pope Francis le Cardinal a thar pawl in a cawl zo tu Pope Benedict hnen an len nak November 29, 2020

Pope Francis le Cardinal a thar pawl in a cawl zo tu Pope Benedict hnen an len nak

November 29, 2020

         Pope Francis le Cardinal a thar pawl in Vatican Basilica in an thawn hnuah Vatican hmuan sungih um a cawl zo tu Pope Benedict a um nak “Mater Ecclesiae” tlawng ah an rak leng.

         Cardinal thar 13 cu Bishop pawl thurelkhawmnak tuahsuak nakih Gerneral Secretary Bishop Mario Grech, Mithianghlim ih khaisannak thawn pehpar mi zungih tuanvo nei tu Bishop Marcello Semeraro, Rwanda ram ih Kigali Archbishop Antoine Kambanda, Washington Archbishop Wilton Gregory, Philippines ram ih Capiz Archbishop Jose Advincula, Chile ram ih Santiago Archbishop Celestino Aos Braco, Numidia le Kuala Lumpur ih Pope ai-awh tu a si mi Brunei ram ih Bishop Cornelius Sim, Italy ram ih Siena Archbishop Augusto Paolo Lojudice, Assisi khuapi ih St. Francis Yatih tlawng uk tu Mauro Gambetti, Mexico ram, St. Christobal de Las Casas ih a cawl zo tu Bishop Felipe Arizmendi Esquivel, Asolo Archbishop Silvano Tomasi, Pope zung ih um hnatuantu pawl ih thlarau lam lamhmuhtu Capuchin Puithiam Raniero Cantalamessa le Rome khuapi kiangih um Bawinu Maria ih Biakinn ih tuanvo nei tu Msgr. Enrico Feroci pawl an si.

         Brunei ih Cardinal Sim le Filippines ram ih Cardinal Advincula pawl cu leitlunhuap ih ton rero mi Covid-19 a cannak ruangah Rome khuapi ah feh in an rak tel thei lo.

         Hi thuthang cu Zenit thuthang ih kan don mi a si.

Source: Zenit.org

https://bit.ly/2VoF2hj