Pope Francis le Nancy Pelosi Vatican ah tonawknak nei

Pope Francis le Nancy Pelosi Vatican ah tonawknak nei

         Pope Francis cu kan dung Zarhpi ni, October 9 ah USA ram ih House Speaker a si mi Nancy Pelocy thawn Vatican ah tonawknak an nei a si. Nancy Pelosi cu sumdawng thiamzet mi a pasal Paul Pelosi tel in midang khal in an thlun. Nancy Pelosi ih ton mi ah Pope Francis lawng si lo in Vatican ih Secretary a si mi Cardinal Pietro Parolin, Vatican ih ramdang thawn pehtlaihnak tuanvo nei tu minister a si mi Archbishop Paul Gallagher khal an tel ve.

         Tuitum ih Nancy Pelosi ih khualtlawnnak hi Rome khuapi ih tuah mi G 20 Parliamentary Speakers’ Summit ti mi tonkhawmnak ah thu sim nak nei ve dingah Italy ram ih feh mi a si. Curuangah Italy ram ih Prime Minister Mario Draghi thawn khal tonawk nak a rak nei ve. Nancy Pelosi hi USA ih Italian-American kahpia lak ihsin hmaisabik House’ Speaker tuanvo pek mi a si. A nih hi kum 81 kim zo mi a si ih Pope Francis thawn mipi hmai ih an lang hlan ah, kiangkap kilhim ding thuhla, ram khat ihsin a dang ram ih thawn nak thawn pehpar mi thuhla le milai pianvo thuhla pawl relkhawmnak an nei.

         Nancy Pelosi cu Catholic kohhran sungtel pakhat a si ih fate 5 nei tu innsangnu pakhat khal a si. Catholic pakhat a sin an “abortion” ti mi pumsung naute thahnak pompi in tha a pek ruangah a mai um nak Archdiocerse hotu Archbishop Salvatore Cordileone thawn tu le tu thubuai nei mi khal a si.

https://bit.ly/3v4PY4O