Pope Francis in Lebanon ram le Belarus hrangah thla a cam sak (August 16, 2020)

Pope Francis in Lebanon ram le Belarus hrangah thla a cam sak

16 August, 2020 (Vatican)

         Leitlun dinhmun a phunphun ruangih hliamhma a tuar tu le harsat nak a tuar tu pawl hrangah khal mangsal in thla a rak cam sak.

         Ziangah tile hrilawknak ruangih a cang mi ram sung duhphorh nak nasa zet in a um ih an dinhmun a tha lo. Curuangah thu relkhawm ding, buainak hrial ding, rualremnak le caan tha upat dingah zaangfah a rak dil.

         Thal tlawngpit caan ah zaangfah lainatnak thawn um dingah a tui caan cu Italy ram mipi pawl ih tthal tlawngpit caan a si. Hi tlawngpit cu Bawinu Maria Vancungram ih hruai nak a ngah nak puai thawn a kaih aw ciah.

         Tthal tlawngpit cu taksa lam thawn pehpar mi taksa ruangpi thatho ter nak caan a si. Cu vek in thlarau hrang khalah caan pek nak caan pakhat a si ih thlacamnak, dai tei um nak, Pathian ih laksawng a si mi kiangkap ih mawi nak zohthiam nak caan pek dingah a tul.

         Tthal tlawngpit caan an hmang ko nain Covid-19 ruangih tih phan nak cu hngilh men a ngah lo. A thupibik in hi pulh nat ruangih hnatuan nei lo mi innsang pawl, hmanhman in hnatuan ding a nei lo mi innsang pawl le ziang hnatuan hman a nei lo mi pawl zawn ruah a tul.

         Curuangah tlawngpit caan a si ko nain bawm nak a tul tu pawl mai ti thei tawk in bawmnak, hi mi dinhmun a tong mi innsang pawl khal ziang siar lo in um men lo in mai ti thei tawk ih bawm dingah forhfial nak a rak nei.

         Hi thuthang cu August 16, 2020 Vatican thuthang ih kan ngah mi a si.

https://bit.ly/2YoFTk8