Pope Francis in Magis Kawlram a laan ah lethmat a thu ih Kawlram mino pawl le mino kaihruai tu pawl hrangah a hleice in thla a cam sak

pope_in_kawlram_mino_pawl_le_kai_hruai_tu_magis_pawl_hrang_thlacam_sak.

Pope Francis in Magis Kawlram a laan ah lethmat a thu ih Kawlram mino pawl le mino kaihruai tu pawl hrangah a hleice in thla a cam sak

            Kan dung thla rei lo teah Bawi Jesuh pawlkom tiih kawh mi Jesuit a tin kaing ih Puithiam pakhat cu Pope Francis thawn a dang ten an rak tong aw tiin theih a si. Cui a dang ten tonawknak ah Jesuit Puithiam pakhat in Pope Francis hnenah Kawlram ih um Magis mino pawl ih hman mi "Magis Myanmar" tacik khen mi faute pathum cu laksawng ah Pope Francis a pek ih Magis Myanmar ih a laan ah Pope Francis in lethmat thut sak dingah a rak dil.

            Pope Francis in "Kawlram ka rak feh ka tuukhal khualtlawnnak ka mang sal. Mino pawl an tam zet. Kawlram ih mino pawl le mino pawl kaihruaitu pawl Pathian in thluasuah pe hramseh. Pathian le mi tampi hrang thatnak a cang ter tu nunau pawl le mipa pawl si hram hai seh" tiin Pope Francis in thla a cam sak ih Magis Myanmar a laan le faute pathum cu thluasuah a pek ih a laan parah cun lethmat a rk thut sak.

            Magis timi cafang cu Latin tong in a ra mi asiih "mah lawng siloin midang pawl le Pathian hrangah a tha deuh mi le a famkimter dingih a tuah tu thinlung" tiin duh san a nei. Mithianghlim ignatius ih Pathian thawn nai ter tu thlarau lam thlun mi le thinlung thazang lak in mai nunram ah a thlun tu ah mino pawl hrangah Magis caanserh an tuah sak nak asi tiin theih a si.

            Kawlram mino pawl le a dik lo mi Magis thinlung thawn a do tu zaten Pope Francis ih thluasuah peknak thawn Pathian ih thluasuah co in Kawlram ah a dik mi Democracy ngah thei dingah tuah thei hram hai seh. Amen

Source: Bro P V Joseph BuanSing (SJ)

Add new comment

2 + 1 =