Pope Francis, Marseille ih a khualtlawnnak ding  tikcu caan hman ding daan suah.(September 19, 2023)

Pope Francis, Marseille ih a khualtlawnnak ding  tikcu caan hman ding daan suah.(September 19, 2023)

Holy see Press Office in nunphung daan tamzet a neitu  Marseille khuapi ah Pope ih khualtlawnnak ih a hman ding mi tikcu caan pawl a nepnawi in an tarlang zo.

Holy See Press Office ih Director a si mi Matteo Bruni in Pope Francis ih a ralai ding mi khual tlawnnak hrangah a caan hman daan ding nihnih ni ah a than.

Pope Francis cu France thlanglam ih khuapi ah tui zarh tlawngkai ninga in niruk tiang a tlawng dingih cuihmun ih umtu miphun pawl, biaknak le nunphung karlak ih din tul mi thurel tlangnak (Mediterranean meeting) ah a tel ding.

Tlawngkai nihnih sunih an suah mi thuthang ah Pope Francis cu Rome ih Fiumicino airport in tlawngkai ninga nazi 14:35  in a feh thok dingih  nazi 16:15 ah a thleng ding.

France ram ih Prime Minister in a hmuahnak caanserh theh hnuah Pope cu Marseille ih Notre Dame de-la -Garde ih Basilica biakinn pi ah a feh dingih cuihmun ih Puithiam pawl thawn hmaisa ah thla an cam tlang dingih pawlkom phunkim ih thuneitu pawl thawn Stella- Stella Maris ih Caritas Gap -Briancon le Association de secours en mer Long hnatuan pawl, mivai pawl le harsa tuar pawl an tong ding.

Cuihnu zarhte sun September 23ah saklam Africa, nisuahnak lam a laifannak le Europe thlanglam in Bishop pawl, mino pawl ih Tifinriat (Mediterranean meeting) thurel tlangnakih neta bik ni ah a tel ding. Cuihnu ah France President Emmanuel Macron thawn a dang ten tonawk nak an nei ding.

Pope cu suncaw eihnu ah Marseille ih Velodrome stadium ah mipi pawl thawn Missa sumnak a nei ding. Cumi a theh in Rome khuapiah 20:50 ah a tlung sal ding. Hi mi thuthang cu Vatican thuthang ih kan don mi a si.