Pope Francis in mi harsa pawl kilkhawi ding le a thar ih tuah sak sal dingin zaangfah a dil. June 19, 2020

Pope Francis in mi harsa pawl kilkhawi ding le a thar ih tuah sak sal dingin zaangfah a dil.

June 19, 2020

          Pope Francis in tu zarh, zarh men men 12 nak zarhpi ni cu farah harsa pawl le mivai pawl bawm nak ah a thar ih tuah sak sal dingah le a tha hnem mi ap awk nak hnatuan tuan thei dingah thlacam sak khawm dingah zaangfah a rak dil. Hi zaangfah dil nak cu sun angelus thlacam hlan ah St. Peter tualrawn ih ton aw khawm tu pawl a rak forhfial. Ziangahtile cui zarhpi ni, June 22 ni ah UN in leitlunhuap harsa pawl ni hngilh lo nak an tuah.

          Corona virus cu mi harsa pawl thaten humhim dingah a tul thu a rak hmuh. Cu lawng ah a mai upat tlak si nak le him nak hrang kan anmakhan thei ding a si. Mi harsa pawl le mi vai pawl ih him nak le humhim nak hrangih zaangfah dil nak cu minung si nak in minung pawl humhim nak hrangah a si. Cui hlei ah mai zung a suah san nak cu an mah pawl siseh, an innsungsang siseh a besia mi harsat nak a thlen thei ruangah a si.

 An zoh fel mi cazin  vek si le leilungpi ah minung taan 8 tluk  an vai ih minung an tam tuk thu, hi pulh nat ih pek mi a dang hrial ding mi cu minung le kiangkap ih pehzom awk nak a si. Hi quarantine caan (Lockdown) in minung tampi um nak a mal ter. Mortor, cycle ti vek hman nak a mal ter ruangah lamzin hnawk nak, kiangkap thawmvang pawl a mal ter. Hi dinhmun pawl cu kan mah in cangvaih nak in siseh, kan ruuninnpi a si mi leilungpi humhim ding ti mi thinlung le mai tuanvo theih nak in tuah ding a si.

          Leitlun ih ram hrekkhat cu innsung ih um caan (Lockdown) caan cu nuam te ten an phoih thlang. Ziangah tile cui ram pawl ah Covid-19 pulh nat suan awk nak le cui nat nak ruangih a thi tu an mal deuh thlang ruangah a si. Hi ti vek ih thlah phoih nak cu sumdawn nak harsat nak pek vek thawn khal in a bang ter. Ziangah tile innsung ih um caan ah bawm nak pawl a mal ter thlang ding a si. Cu tik ah hnatuan neih lo tu pawl le farah harsa pawl an tam deuh deuh thlang ding a si. Pope Francis in hi dinhmun kai  hruai in sim fiang dingah leitlun ram, hmun tin ah an tuah thlang ti a hmuh tik ah lungawi thu a sim thu le mitam hrangah khat le khat bawm awk ding tin khal a ruahsan nak tel in a rak sim.

          Pope Francis cu St. Peter tualrawn ah a thleng ih a mah thawn thla a cam tu pawl lungawi thu a sim thu, hi biakkhawm nak pawl cu Italy ram ih hmun dangdang ihsin an rat vek in a  dang ram pawl khal ah let khat in an tam thu, Pope ih  a ram a si mi Argentina ah tu ni “Pa pawl upat ni” zarhpi ni a si thu, curuangah Pa pawl hrangah a cuangcee in thla a rak cam sak thu, Pa si nak ih a har zia, cui hnu ah mino pawl hnenah theih ter awk nak a nei ih tu ni cu St. Aloysius Gonzaga hngilh lo nak ni a si thu, a mah cu mino pakhat a si lawng si lo in mai kiangkap pawl duhdawt nak thinlung tampi a nei tu a si.

 A mah cu Plague nat a nei tu pawl a thuamhlawm ih  nat suan a rak tuar ruangah Rome khuapi ih a nunnak a rak cem thu le cui kumzabi 16 ah Jesuit Puithiam pakhat a si ih a kum 23 ah a rak thi. A mah cu mino pawl bawmtu mithianghlim ah kum 1792 ah Pope Benedict hleiriat nak in a rak than ih kum 1926 ah Pope Pius hleikhat nak in a rak nemhnget bet a si.

https://bit.ly/37Uzvoa