Pope Francis in Mithianghlim Monica ih thlan ah thlacam dingah Mithianghlim Augustine Bacilica ah a feh August 28, 2020

Pope Francis in Mithianghlim Monica ih thlan ah thlacam dingah Mithianghlim Augustine Bacilica ah a feh

August 28, 2020

            Campo Marzio ih Bacilica ih a feh nak ah Pope cu Mithianghlim Monica ih thlan umnak Biak inn fate ah a puai ni a si mi August 27 ah thla a cam. Mithianghlim Monica cu amah ih zoh thim tlak mi umtu daan le a fa pa Augustine nuncan thleng dingah cat loih thla a cam nak ruangah sunloih a si. Mithianghlim Monica cu kawhhran thawn a hlat mi inn sang pawl hrangah thlacam sak tu tiah Pawlpi in a hmin sin. Amah cu nu pawl, nuhmei pawl, harsat a tuar rero tu nulepa pawl le  hmuh suam a tuar tu pawl hrangah beu nak Mithianghlim a si.

            Mithianghlim Monica cu a pasal Patricius le a fapa Augustine nuncan thleng dingah mitthli thawn cat bang loin thla a cam. A thlacam nakin a pasal cu a thih hlan te ah baptism a ngah ih, a fapa Augustien khal a nun can a thlengih Bishop pakhat ah a cang. Campi Marzio ih Mithianghlim Augustine Bacilica ah kum zabi 16 kutthiam pawl ih sak mi a siih, tha zet ih nau a hring tu Bawinu tiah hmin an sak mi Bawinu Maria ih zuk a um ih, nunau tampi khal tha zet in nau an hring thei nak dingah thla an cam nak hmun a si. Himi thuthang cu CNA thuthang ihsin kan ngah mi a si.  

https://bit.ly/31NcPoE