Pope Francis in Mongolia ih a Tuukhaal khualtlawnnak cem ter.(Sep 4, 2023)

Pope Francis in Mongolia ih a Tuukhaal khualtlawnnak cem ter.(Sep 4, 2023)

          Pope Francis in Mongolia ram ih a Tuukhaal khualtlawnnak a cem tiang a tuah vekin, Ullanbaatar ih Chinggis Khan International Airport ihsin an rak kir sal.

          Pope Francis cu Mongolia ram ih a Tuukhaal khualtlawnnak a theh hnu ah, Rome tikcu caan zinglam 6:03 AM (GMT+8) ah Pope ih vanzam thawn Ulaanbaatar ihsin a umnak ah a rak kir sal.

          Zaanlam 5 PM (GMT + 2) ah Rome ih Fiumicino Airport ih thleng thei dingin timtuah a si.

          Mongolia ih a umnak netabik ni ah, Pope in Apostolic Prefecture ah a mah ten Mass raithawinak a rak tuah ih cu tawk ih riantuantu le Pope Francis a khualtlawn lai ih rak thlun tu, Ulaanbaatar ih Apostolic Prefect, Cardinal Giorgio Marengo hnenah lungawi thu a rak sim.

          Pope in Cardinal Marengo hnenah sui thawn tuah mi khuathai cu a lungawinak langternak ah laksawng ah a rak pek.

          Pa dinhmun in a ngaihsaknak langternak ah St. Joseph ih zuk cu Apostolic Prefecture hnenah a rak pek.

          Pope zungpi ih thuthan suah mi ah cui zuk cu Mithianghlim hnenah in kilkhawitu kan Bawipa dinhmun in a ret. “St. Joseph in thluasuah peknak langhngan ter mi Salvator Mundi cu a kut vorhlam in a keng ih Jerusalem Biakinn ih Puithiam pawl in raithawinak an tuah caan ah mangbangza in vur pawl a par mi kianghrol a keng.

          Mongolia ram a tlawnnak ih netabik cu farah harsa pawl hrang siikhaan le inn nei lo le innsang lam ih tuahmawhnak a tuar tu pawl hrangah Pawlpi ih din mi “House of Mercy” ah a rak cawl.

          Pope in zaangfah lainatnak hnatuan a rak thok ih Mongolia Pawlpi hnenih a lungawinak langter phah in sumdawnnak lam ih harsatnak le hnon a tuar mi pawl ih ton rero mi pawl a ngaihsaknak a rak langter.

          “Kan inn hnen pawl hnenah tirhsiang zet ih tuahnak cu Pathian ih palai pawl ih thathawhnak lam cu a thok ihsin a rak then cia zo,” tiah a rak sim.

          Hi thuthang cu Vatican News ih kan ngah mi a si.