Pope Francis in a pahnihnak Laudato si’ cu October 4 ah suah ding (August 30, 2023)

Pope Francis in a pahnihnak Laudato si’ cu October 4 ah suah ding

August 30, 2023

         Pope Francis in September 01 ih tuah thok ding mi World of Prayer for the Care for the Creation caan an thok dingih October 4, St. Francis of Assisi puai ni cem ter in thin thatho zet ih hngahhlap zet mi “Laudato si’” suahnak ding thu khal a rak than.

         Pope Paul VI Hall ihsin tlawngkai nithum ah, Pope Francis ih zaangfah dilnak ah kumtin September 1 ih tuah theu mi sersiam mi kilhimnak hrang leitlunhuap ih thlacam ni a rak ruahsan. Tui kum ih thulu cu “thudik le remdaihnak luang hram seh” ti a si.

         Tui ni cu October 4, St. Francis of Assisi ih puaini tiang sersiamnak caan ih thok mi hngilh lonak ah a si tiah Pope in a rak sim.

         Europe Council sungtel lawyer pawlkom hnenah August 21 ih an rak tonawk lai ah, Pope in a capi Laudato si’ a pahnihnak cu Oct 4 ah a suah ding thu a rak than.

         “Cui ni ah a pahnihnak Laudato si’ ti mi forhfialnak pakhat suah dingah a timtuah,” tiah Pope in a rak sim. “Sersiamtu hnen ihsin a sunglawi mi laksawng pakhat dinhmun in sersiam mi kilkhawi dingah kan nih Christian unau pawl tuan tlang uhsi.

         Tlawngkai nithum ah, Pope ih sim mi ah May ih rak nemhnget mi leitlunhuap ni hrang a thusim mi capi a tawizawng in a rak sim.

         A thucah mi sungah Pope in, “kan thinlung pawl, kan nunram pawl, le kan nunphung pawl ukawk daan pawl thleng dingah” hrilhfiahnak kan hawl a tul tiah a rak sim.

         Serisam mi kilhimnak hrang leitlunhuap thlacam ni hrangah Pope ih thucah sungah “kan nunphung uk awk in tui sun le hmailam caan mino pawl ih nunram pawl langsar ter tu pawl thleng a tul thu hngetkhoh zet in a rak sim.

         Pope Francis in “hi sersiam mi caan sungah, synodal khualtlawnnak lamtluan ah, Bawi Jesuih dungthluntu pawl dinhmun in kan runinn pi a thar in nung ter sal dingah kan nung, hna kan tuan, ih thla kan cam tiah thupi zet in a rak sim.

         Hi thuthang cu Vatican thuthang ih kan ngah mi a si.