Pope Francis, Papua New Guinea in pok suak (Sep 9, 2024)

Pope Francis, Papua New Guinea in pok suak (Sep 9, 2024)

Pope Francis cu Papua New Guinea in Timor Leste ah tui ni ah a  pok a si.

Pope Francis ih to mi vanzam cu port Moresby's Jacksons International airport 12.12 in a pok ih cuihmun ram tikcu caan nazi 14 hnu ah Dili ah thleng ding tiah an ruahsan.

Pope Francis a khual tlawnnak in a pawh hlanah Papua New Guinea ih Prime Minister James Marade thawn netabik netabi cibaibuknak an nei ih tlawngkai ninga ni zanlam ih  Pope Francis a thlen lai ih thok in tonawknak tampi an rak nei.

Pope Francis cu a tu nisuahnak thlanglam ram le tikulh ram pawl ah a tuukhal khual tlawnnak ih a hrek a thleng zo ih Indonasia le  Papua New Guinea ah a feh zo ih Timor Leste le Singapore ram ah a feh lai tak a si.

Pope cu Timor the Leste a thlen veten zanlam nazi 6 hrawngah rampi ih President innpi a lenglamah a mah hmuahnak caanserh an hmang ding a si. Cuihnu zanlam 6:30 pm ah Pope Francis  cu President innpi sungah rampi President tonnak caanserh a hmang ding. Zanlam 7:00 pm ah Pope Francis cu a cozah thu neitu pawl, khuanukhuapa pawl, pawlkom pawl le rampalai pawl thawn President hauhruangah tonnak caan serh a hmang dingih thu cahnak a nei ding si.

Tlawnkai nihnih ni ah Pope cu Irmas Alma tlawngah kutke kim lo nauhak pawl hnen a feh ding.  Zianglam 9:00 am ah Pope cu Puithiam pawl, Deacon pawl, consecrated pawl, siangbawi tlawngta pawl le Pathian thusimtu Saya pawl thawn Cathedral of the Immaculate Conception ah tonnak caanserh a hmang dingih thucahnak a nei ding. Cuihnu zinglam 10:45 am ah Apostolic Nunciature ah the Soceity of Jesus sungtel pawl thawn a dangten tonnak caanserh a hmang ding. cui ni thotho ah Taci Tolu ih Esplanade ah zanlam 4:30ah Missa sumnak thawn a cem ding. A thaisun zinglam ah Pope cu Singapore ah akhual tlawngnak a peh ding a si.