Pope Francis in Philippines ah Bishop thar pakhat  sinak pe.(March 1, 2021)

Pope Francis in Philippines ah Bishop thar pakhat  sinak pe.(March 1, 2021)

Pope Francis in Philippines ram Diocese of Virac hrangah Febuary 29 ni ah  Bishop thar sinak a rak pe.

Bishop thar ih khaisan mi cu Bicol hmun ih a um mi Archdiocese of Caceres ih Fr Luisito Occiano a si.

Pathian hnenah lungawi thu sim phah in Bishop thar a si mi Rev.Fr Luisito Audal Occiano cu vatican ah Feb 29 ni zan 9:00pm ah tuanvo pek a si thu lungawi za thuthang a si tiah Virac ih Archbishop in a rak than.

Pope in Bisop Manolo de los Santo ih a cawlnak thu cu a rak ngamhnget ih Fr Occiano cu Bishop dinhmun a tuan ding.

Kum 1994 ih sithok in a tu a kum 76 a si zo mi Bishop De Lo Santos cu Catanduanes ramthen ih Diocese of Virac tikulh ah Puithiam din hmun in hna a rak tuan.

A tu ih kum 52 a si mi Fr Occiano cu Camarines Sur province ih um mi San Jose khuapi ih Archdiocese Shrine le Parish of Saint Joseph  ah uktu le Diocese ih Puithiam pawl hrang tuanvo neitu a si. Amah cu Caceres commision ih Archdiocese director khal a si.

Hi bishop thar cu mipi pawl thawn thaten pehtlaih aw tu, thaten in hna a tuan tu a si thu, a mai hnatuannak parah nasa tak in tuan tu a si tiah a mai aiawhtu ding bishop in sim. Archbishop Tirona cu Charisma a rak tawlrel tu khal a si.

Fr Occiano cu June 21, 1971 ah a rak suak. Naga ah Holy Rosary Major  Seminary ah fim arak zir ih hi mi hmun ah Philosophy le theology khal a rak zir. 1996 ah Puithiam sinak a rak ngah.Puithiam sinak a ngah hnuah Ateneo de Manila University ah fimthiamnak lam thu a rak zir bet. Cui tlunah Ateneo de Naga University in Master of Arts degree a rak ngah.

Puithiam dinhmun ih a thoknak lamah Naga khuapi ih Biakinn ah Parish Puithiam dinhmun in a rak tuan. Cu mi lai ih Caceres ih Archbishop Leonardi Legaspi ih sacretary a rak tuan.Amah cu Diocese ih director khal a rak tuan dah ih Penafrancia of Our Lady of Minor Basilica ih vice- rector khal a rak tuan.

Kum 2003 ah Naga khuapi ih St.Francis of Assisi Parish ah Parochial vicar khal a rak tuan.

Kum 2015-2021 tiang Camarines Sur peng Baao ih St. Bartholomew Parish  ah Parish Puithiam dinhmun in hna a rak tuan.

Hi mi thu ngan mi ah bishop ordination hrangah  a ni cu a fiang hrih lo. Hi mi cu Virac Diocese ih a pathumnak Bishop a si ding. Hi mi thu cu RVA thuthangin a tawi zawngih kan leh mi a si.