Pope Francis , Portugal ram mino pawl puai ih a Tuukhal khualtlawnnak caanserh pawl

Pope Francis , Portugal ram mino pawl puai ih a Tuukhal khualtlawnnak caanserh pawl

        Wednesday-2 August;  Tlawngkai nithum ni ah Pope cu Portugal ram ah a thleng ding. zinglam 7:30 am ah Rome khuapi Fiumcino airport in a pok ih Lisbon khuapi Figo Maduro airport ah 10:00am ah a thleng ding. Cuihnu a thlen veten Marcelo Rebelo de Sousa in Belem ih National Palace ah President of the Republic Marcelo Rebelo de Sousa tonak a nei ding. Belem district a si mi nunphung centre ah khuapi ih thu neitu pawl,  Pawlkom pawl, ram palai pawl tonnak a nei ding. Zanlam 4:45 pm an Apostolic Nunciature ah Prime Minister thawn an tong aw dingih 5:30pm ah mitheih tam mi Puithiam tlawng Monastery dos Jerònimos ah bishop pawl, Puithiam pawl,deacon pawl, thukam pathum a latu nunau le mipa pawl, siangbawi tlawngta pawl le Pathian hnatuan tu hrekkhat pawl thawn zanlam thlacamnak a si mi Vespers thlacamnak in thlacam tlangnak an nei ding.

        Thursday , 4 August ni ah leitlunhuap mino pawl puai hrangih hmuahnak caanserh a hmang ding.Tlawnkai nili zingah Pope in Universidade Catòlica Portuguesa ih tlawngta pawl tonnak a nei ding. Cuihnuah cumi kiangih Cascais ah a feh dingih cui hmun ih an hmunpi bik ih um mi Scholas Occurentes ih tlawngta pawl cibaibuknak a nei ding. zanlam ah Portuguese ram ih khuapi bik ih Edward VII Park ah tuah ding mi WYD hmuahnak caanserh hmang dingah a kir sal ding.

         Friday, 4 August: Tlawngkai ninga ni ah mino pawl thawn Thinglamtah lampi thlunnak caanserh a hmang ding. WYD ih a thleng mi mino hrekkhat pawl cu Aug 4, tlawngkai ni nga niah Belem ih "so Impèrio" square (tualrawn) ah Pope hnen in remawksal nak (Sacrament of Reconciliation) sualthlahnak sacrament an sang ding. 9:45am hrawngah Pope Francis amah rori "de Serafina" parish centre ah a feh dingih Charity centres le representatives of some assistance pawl thawn tonnak a nei ding.Sun 12:00 ah Apostolic Nunciature ah mino pawl thawn sunrawl an ei tlang dingih zanlam 6;00pm ah Edward VII Park ah mino pawl thawn Thinglamtah lampi thlunnak caanserh a hmang ding.

         Saturday, 5 August: Zarhte ni ah Fatima ah a feh ding.

                             August 5, zarhte ni zinglam ah Pope cu Lisbon in Fatima Stadium ah zing 8:00 am ah helicopter thawn a feh ding ih 9:30am ah Chapel of Apparition ah a dam lo mi mino pawl thawn Rosary thlacamnak an nei tlang ding. Sunhnuah khuapi ah a kirsal ding. Cu mi ah appointment pahnih a nei ih zanlam 6: pm ah Colégio de S. João de Brito ah the Society of Jesus (Jesuit) pawl tonnak a nei dingih 8:45 pm mino pawl thawn Tejo Park ah tonawknak an nei ding.

           Sunday, 6 August:Zarhpi niah Mino pawl hrang Missa raithawinak le Vatican ah a tlung sal ding.

                   World Youth Day hrang Mass raithawinak cu August 6, Zarhpi ni ah Tejo Park ah a tuah sal ding. Sunhnu ah Figo Maduro airbase thlahnak caanserh hlante ah 'passeio marìtimo' in Algès hmunah WYD ih volunteer pawl tonnak a nei ding.Pope cu 6:15pm ah  Rome ah a kirsal dingih 10:15pm ah Fiumicino airport ah a thlengsal ding a si. Hi thuthang cu Vatican news in kan don mi thuthang a si.