Pope Francis a pumpi khuai hlawhtling July 4, 2021

Pope Francis a pumpi khuai hlawhtling

July 4, 2021

          Pope Francis cu July 4, sun ah Pope pawl ih harhdamnak kilhim sak tu Rome ih um Gemelli sizing ah operation tuah dingah a rak feh. Mi zaan Zarhpi ni sun Angelus thlacamnak khal St. Peter tualrawn ih a thleng tu khawmzawhtu pawl thawn an rak cam tlang. Cui hnu ah siizung ah a rak feh. Vatican ih thuthan suah mi vek a si le Pope Francis operation tuah ding thu cu Matteo Bruni in a rak sim. Pope Francis operation a tuah nak cu rilpi lam a si.

          An timtuah mi vek in zaanlam ah operation a rak tuah. Pope Francis ih operation tuah nak an theh suak zo ih mithmai pan ten hmuh a theih thu, Pope Francis operation tuah nak ah tuanvo rak lak tu siibawi pawl cu Sergio Alfieri le Assistant Luigi Sofo, Dr. Antonio Tortoreli le Dr. Roberto Megnhi, Massimo Antonelli, Liliana Sllazzi, Dr. Roberto De Cicco, Roberto Bernabei pawl an si tiin Vatican ih tuanvo nei tu in a rak sim.

          Operation tuah hnu Pope Francis ih dinhmun cu a tha lai tiah thuthang an suah. Pathian hnenah lungawi thu sim uh si.  Hi thuthang cu Vatican thuthang ih kan ngah mi a si.

Photo courtesy of the Catholic Sun

https://bit.ly/2TDG8sr