Pope Francis in Seoul le Nairobi Archdiocese pawl hrangah Archbishop pawl ret October 28, 2021

Pope Francis in Seoul le Nairobi Archdiocese pawl hrangah Archbishop pawl ret

October 28, 2021

         Tu baite ah Pope Francis cu thlang Korea le khuapi Seoul le Kenya ram ih khuapi Nairobi  Archdiocese pawl hrangah Archbishop pawl a ret. Seoul Archdiocese ih Bishop cu Bishop Peter Chung Soon-Taick a si ih Carmelite pawlkom mi a si. Bishop cu Seoul Archdiocese ih Assistant Bishop tiin 2013 in hna a rak tuah. Bishop cu kum 60 a kim thlang ih a suak nak cu thlang Korea ih nisuahnak thlanglam Daegu ah a si. A mah cu Chemical Enginner buaih rak ngah tu a si. Carmelite pawlkom sung Puithiam pakhat tiin 1992 ah ordination a rak ngah. Rome ah Bible a hleice ih zirnak cu Pontifical Biblical Institute (Biblicam) phunsangtlawng ah Bible a rak zir.

         Korea ram pumpi Carmelite pawlkom ih upa tiin khal hil a si vekin 2009-2013 tiang nisuahnak lam le tikap hmun ih tuanvo nei tu tiin khal Rome ih um pawlkom ih Nu tlawngpi ah rian a rak tuan dah. Seoul Archdiocese cu peng 6701 a kau ih Catholic taan 1.5 a um. Hi Catholic mipum cu 2017 ih cek mi vek a si le Seoul ramthen ih um mipum ih zateek 15 a um.

         Ramthen pakhat pum ih mipum ah 9.9 zateek a um. 2017 tiang Seoul Archdiocese dinhmun in Catholic Puithiam 1000 lawng an um ih 756 cu Parish Puithiam an si. Mipa, nunau zaten 2367 an um. Cu vekin Pope Francis in Nairobi Archdiocese ih Archbishop khal a rak than. Bishop Philip A. Anyolo cu kum 65 a kim zo ih Kisumu Archdiocese cu 2018 in tuanvo la in rian a rak tuan.

         Archbishop a can hlan ah 2003-2018 tiang Homa Bay ih Bishop in siseh, 1996-2003 tiang Kericho Diocese ih Bishop dinhmun in siseh rian a rak tuan. Bishop cu Kericho Diocese ih Diocese hotu ih hrilnak a ngah laiah kum  39 lawng a rak si lai.1983 ah Puithiam cannak a rak ngah. Nairobi Archdiocese cu peng 1263 a kau ih 2019 ih tarlang mi vek a si ahcun Catholic mipum cu ramthen ih mipum taan 3.8 sungin zateek 50 cu Catholic mi an si.

         Hi thuthang cu CNA thuthang ih kan ngah mi a si.

https://bit.ly/3qhaVsZ