Pope Francis in Taungngu Diocese ih bawm tu ding Bishop thar ih hmin a phuang. June 29, 2020

Pope Francis in Taungngu Diocese ih bawm tu ding Bishop thar ih hmin a phuang.

June 29, 2020

            Tuisun Pope Francis cu Msgr John Saw Gawdy Taungngu hrangah Bishop thar a um thu a sim. Msgr cu Taungngu Diocese in a si ih Tui sun thlawngkai nikhat ni (June 29) niah tuanvo a pek mi a si. Msgr cu kan dunglam kum (2019-2020) cazir kum tiangah  an on thok mi Loikaw Diocese ih an phuan mi Taunggyi Arch Diocese kut hnuaiih Diocese pa nga pawl kom in an phuan mi St. John Mary Vieney Siangbawi zirnak tlawngah tuanvo nei tu a si. Msgr cu a tu Bishop ih ai a awh thei nak a nei thlang a si. A mai thu tawi

-Msgr cu (1955 October 21 ) ah Taungngu Diocese , Leiktho bialah Domapholi ah a rak suak.

-Msgr cu Keba phunhnam sungih Catholic Nu le Pa hnen in a rak suak mi a si.

-Msgr cu Philosophy le Theology cu St. Joseph Siangbawi cannak tlawng Yangon ah a zir ih cui hnuah Bible cathianghlim thawn Master buaih cu America ram Ohio  ramthen ih an phuan mi Pope ih lungkim pi mi Josephinum University in a rak ngah.

-Siangbawi si nak cu (1983, April, 9 niah Taungngu Diocese ah a rak ngah.

-Siangbawi a can hnu khal ah Msgr cu Diocese sungah hna phunphun a rak tuan.

-1983-1984 ah Liektho ih phuan mi Pathian thu zirhtu saya pawl tlawng uk tu a rak si.

- 1984-1990 ah Professor of Philosophy at St. Joseph’s National Major Seminary ah ca a rak zirh.

-1990-1993 ah America ah cazir a rak feh.

-1993-1997 ah  Leiktho ah Parish Siangbawi din hmun ih a rak tuan.

-1997-2007 ah Leiktho ih Siangbawi zir lai tlawngah tlawnguk tu in a rak tuan.

-2007-2016 a Leiktho ah Parish Priest a tuan phah in Vicar General din hmun khal in hna a rak tuan a si. -2017-2020  ah Loikaw ih an on mi St. Jean Marie Vianney tlawngah cazir tu dinhmun in hna atuan lai mi a si. Bishop si dingih hril a si mi Msgr cu Taungngu Diocese ah ruahnak pe tu pawl kom , Diocese ih Siangbawi pawl thawn pehpar aw mi ah siseh, financial (sumpai lam) pawl kom ah siseh, Kutsitnak thu thawn pehpar aw in siseh a tel tu a si thu Vatican thuthangin kan ngah a si.

https://bit.ly/2YIMLJx