Pope Francis in Tifianriatlam ihsin Belarus ih a vai tu pawl hrang thlacam sak. (November 28, 2021)

Pope Francis in Tifianriatlam ihsin Belarus ih a vai tu pawl hrang thlacam sak.

(November 28, 2021)

              Pope Francis in kan dung Adventu karkhatnak zarhpi ni ah St. Peter tualrawnah a thleng tu leitlun huap khawmzawh tu pawl thawn Angelus thla an cam laiah a tha sawn ih a him mi nunram ngah duhnak thawn mai suahnak tansan in a vai tu pawl hrangah mangsal in thla a rak cam sak.

              Hivekih vaih tikah anmah an thlen duhnak dinhmun thleng dingah a hlan vekin zuamzet in, nunnak pe in an tuah thu, cui mivaitu tampi pawl ih ton rero mi dinhmun pawl hmuh rero hi thin a nuam lo thu, a hleicein Pope dinhmun in milai nunnak rak sung mi English Channel (English le damdang karlakih tifinriat) lak ah tidai pil ruangih a thi tu pawl ah nauhak pawl tla an tel thu, cui mivai pawl cu tipi thuanthum tan in Belarus rampi an feh lai ah hi thilcang vek an rak ton thu, cuvekin a tha sawn mi dinhmun ruahsan in nunnak thap in tipithuamthum an rak tan ko nan, cui zuamnakih khat lam ral ah minung zuar pawl ih minung bang lo ih minung pawl an zuar ruangah nunau pawl zuar an rak tong ih mipa pawl vuak velh hremnak dinhmun an tong ih thin a nuam lo thu an sim. Curuangah Pope in harsatnak a tong tu pawl hrangah thla a rak cam sak.

              Anmah cu nuamnak hawl dingah an rak zuam ko nan, thihnak an rak tong. Mivai pawl hrangah, an natnak pawl hrangah daiten thlacam sak uh tiin St. Peter tual rawn ih a thleng tu khawmzawh tu pawl hnen ah Pope in a sawm ih thla an rak cam. Himi thuthang cu Vatican thuthang ihsin kan don mi a si.

https://bit.ly/3xDUqIU