Pope Francis in Timor Leste ih a Tuukhal khual tlawnnak caan cemter. (Sep 11, 2024)

Pope Francis in Timor Leste ih a Tuukhal khual tlawnnak caan cemter. (Sep 11, 2024)

Pope Francis cu Tlawngkai nithum ni ah Leitlun ih Catholic biaknak mipum tambiknak hmun pakhat ih nithum rei a tlawnnak cu a cem zo a si.

Dili Intermational Airport ah vanzam par a kai zo ih cui hmunih tikcu caan zing 12:25 (UTC+9) ah a pok suak a si.

Pope Francis cu zanlam 2:15 (UTC+8) hrawngah Singapore ah a tum thei ding tiah ruahsan a si.

Timor Leste ih a mai Tuukhal khual tlawnnak, netabik ah Pope cu Dili ih Convention Centre ah mino mipum 3000 pawl thawn tonnak caanserh a hmang ta a si.

Zalennak, pekawknak thawn ulenau pawl ih an man hlatnak pawl le an thupit zia thawn pehpar in Timor Leste ih mino pawl hnen nan zalennak cu midang hrangah thatnak tuahnak hrangih thilti theinakah hmang dingah Pope in a rak forhfial.

Pope in Pacific hmunram ih um Catholic mipum tamzetnak a si mi ramah nithum sung a caam ih mipum 1.4 million ih zatek 95 luan cu Catholic biaknak an si.

Cazin an zohnak ah minung 600000 hrawng in Tlawngkai nihnih ni ah Dili kiang ih Taci Tolu ih Esplanade ah Pope Francis ih Missa raithawinak ah an tel.

Pope cu singapore ah nithum sung a um dingih a hmaisabikah ramsungah Pathian roam a tuan rero tu Jesuit Puithiam pawl thawn a dangten tonnak a nei ding.

Pope Francis cu Rampi ih thuneitu pawl, khuanu khuapa pawl thawn tonnak a nei dingih tlawngkai nili ni ah national stadium ( Leknak hmun) ah Missa raithawinak a tuah ding a si. Hi mi thuthang cu  vatican thuthang ih kan don mi a si. a rak siartu zate parah Pathain thlasuahna um hram seh.