Pope Francis in tlawngkai nithum ni tinten Pathian biak tu pawl thawn ton khawm nak a thok. August 04, 2020

Pope Francis in tlawngkai nithum ni tinten Pathian biak tu pawl thawn ton khawm nak a thok. August 04, 2020

         Pope Francis in leitlun khuazakip ih Pathian biakkhawm tu pawl thawn St. Peter tualrawn le ni khua a siat le Pope Paul paruk nakih Hall Khaan ah an tonawk theu nak ni ah programme cu tthal tlawngpit caan ah a cawl ih a tu August ninga ni ah a thok sal.

         Pope Francis in kum tin July thla ah a tu vek in thlakhat a cawl phah theu. Tu kum Pathian biak tu pawl le Pope Francis netabik an tonawk nak cu March 7 ah Pope Paul a paruk nak ih Hall Khaan sungah a si. Hi tonawkkhawm nak cu Rome tik cuu caan 9:30 ah an thok ih nazi pakhat hrawng an rei.

         Pope Francis in hmanhman ten Pathian biakkhawm tu zate thawn an tonawk theh hnu ah a dang te ih cibai buuk dingih caan a dil tu pawl thawn nel aw ten cibai buuk in thluasuah a pe theu. Asinan, a tu ih pulh nat sia ruangah mipi pawl thawn um lo in sangkate in cibai a rak buuk.

         Kan dung March thla ni 18 ah Vatican ih thuthan nak zung cu Pope Francis le Pathian biakkhawm tu pawl thawn tonawk nak cu a voikhat nak English tong in a si.

Pope Francis le Pathian thu zirh nak

         Pope Francis in kum tin ten Nu Pawlpi ih zirh mi pakhat cu zarh tin Pathian biaktu pawl thawn an tonawk lai ah thuk zet in a zirh ih a rak than. A tu ih Pathian thu zir nak cu a voi hleiriat nak a si thlang.

July thla thlakhat siar lo cu Pathian biaktu pawl thawn tonawk nak Programme an bot cat dah lo. An bot cat pang khal le Pope Francis in ram tin ih dungthluntu khual a tlawn caan pawl thawn a kaih ciah a si.

A khual tlawn nak ih a thlen sal in hmanhman ih tonawk nak an tuah sal ih thu zirh nak pawl khal an tuah sal. Pope Francis in Pathian biaktu pawl thawn an tonawk lai ah Italy tong ih a simfiang mi thuhla pawl cu zum nak thawn a pehpar ih hi thu zirh mi cu a tawi zawng in France, English, Germany, Spain, Portugal, Arabic le Poland tong in an let sal theu.

         Pope Francis ih a thusim mi cu Vatican  ih thuthang cahmai ah siar a theih. Pathian biaktu pawl thawn tonawk nak cu live an thlah mi Video File khal Vatican YouTube Channel ah hawl sal a theih. Pope Francis in a tu vek ih simfiang zirh mi pawl cu thulu 15 in a tuah sal.

A hmaisabik ih thuzirh mi cu a cawl zo mi Pope Benedict 16 nak ih thuzirh mi pawl an tuah sal. Hi zirh mi cu, “Sacramentu pawl, Thiang Thlarau Pathian ih thluasuah, Nu Pawlpi thu, innsungsangthu, zaangfah lainat nak, Christian pawl ih ruahsan nak, thukham pahra, Bawi Jesuih zirh mi Vancung ih um mi kan Pa thlacamnak, dungthluntu pawl ih zirh mi thlacam nak le tlangpar ih thuthangtha sim nak” pawl an si.

         Netabik ih a zirh mi cu Christian pawl ih thlacamnak thuhla a si. Voikhat voihnih ah Pope Francis in Pathian biakkhawmtu pawl thawn an tonawknak ih a cem net ah a zaangfah dil mi pawl an tuah.

         Tu kum Pathian biakkhawmtu pawl thawn tonawknak programme cu cawl lo in Pope Francis in Mexico ram ih a cang mi linghnin a tuar tu pawl hrangah mangsal in thlacamsak dingah leilung pumpuluk ah zaangfah a dil ih thlacamnak a rak dil.

Tui thla June 10 ni ah khal kumkimlo nauhak pawl hnatuan sawr hi riahsiat za a si tiah nasa zet in a rak mawhthluk. A kum kum, a thla thla in Pathian biaktu pawl thawn an tonawknak hmun cu St. Peter tualrawn ah a si. Asinan, kum 1971, June 30 ah Vatican Hall Khaan pakhat an sak theh zo. Cui Hall Khaan an sak lai ah Diocese hoha tu cu Pope Paul a paruk nak a si.

         Cui Hall Khaan on nak puaiah Pope in hi a mawi zet mi le a kau zet mi Hall Khaan sak nakih a thuhram cu St. Peter tualrawn sungih a tawi vak tu pawl zalen zet ih tawi vak thei dingah le Pathian biaktu pawl an karh ih a dang ten khaan a pek duh ruangah a si.

Hi Hall Khaan  cu kum 1963 ah Pope Paul a paruk nakih lungkim pi nak thawn rak sak mi a si. Neta lamah Pope Paul a paruk nakih Hall Khaan tiah mitampi ih theih lan ta mi ah a rung cang ta. Hi Hall Khaan ah tohkham 6300 a tleng. Ni khua sat can le daih can le ruah sur can ah hi Hall Khaan an hmang.

Kum 2007 ah solar pawl an rak bun. Pope John Paul pahnih nak san lai ah Pathian biaktu mipum cu Hall Khaan sungih a tleng mi miphum hnak ih an tam sawn ruangah an zaten tel thei dingah an tumtah ih kum 1981, May thla ni 13 ah Pathian biaktu pawl thawn an tonawk nak hmun cu St Peter tualrawn ah an thawn ih harsat nak an rak tong.

         Covid-19 ruangah a hlan vek in Pathian biaktu pawl thawn Pathian biaktu pawl thawn nel aw ten tonawk a theih nawn lo. Asinan, radio, TV, tu lai san thar technic pawl ih bawm nak thawn Pope ih Pathian biaktu pawl thawn hmanhman ih tonawk nak programme cu leilungtlun ih um kawhhrampi taanlenglo pawl thawn an rak tongawk thei

         Hi thuthang hi August 4, 2020 ah Vatican thuthang ih kan don mi a si.

https://bit.ly/33RLPWz