Pope Francis in Tokyo Diocese hrang bawmtu ding Bishop thar ret.(Sep 17, 2023)

Pope Francis in Tokyo Diocese hrang bawmtu ding Bishop thar ret. (Sep 17, 2023)

Pope Francis in Fr Andrea Lembo cu Tokyo ih bawmtu ding bishop dinhmun in September 16 ni ah tuanvo a rak pek.

Hril thar mi bishop Elect  Lembo cu Italy ram  Bergamo ah 1974 May 23 ah a rak suak. Amah cu a tu ah Milan Foreign Mission Society ih nisuahnak lam  Asian hmun ah upa a tuan ih Fuchu Church thawn komaw in hnatuan rero lai tu a si.

December 16 ni zarhte ni ah Bishop cannak puai tuah a si dingih a nepnawi cu neta ah than a si le ding. 1974 November 24 ah Treviglio Church of St. Peter the Apostle ah baptism a ngah ih 2003 kum June 7 niah Philippines ramah deacon dinhmun in rian a tuan.

2004 June 12 ah Milan ah Puithiam dinhmun in rian a tuan ih 2009 ah Japan ramah a thlen sal. Amah cu Itabshi Church ih bawmtu puithiam dinhmun in 2011-2012 March thla tiang rian a rak tuan.

Cuitlunah 2012 April in 2017 March thla tiang Narashina Church ah bawmtu Puithiam din in a rak tuan. 2014 April in 2021 Febuary tiang Funabashi Learning Center ih General Vice-Chairman dinhmun in Galile ah a rak tuan. Amah cu 2017 April in 2023 March thla tiang Fuchu biakinn ah Chief Priest dinhmun a rak tuan. Cun Reginal Director of Catholic Milan Forreign Missions in a rak tuan bet.

2021 Feb ah Funabashi learning center Galilee ah president dinhmun in rian a rak tuan. 2021 Feb ah Shinsei Kaikan Public Interrest Incorporated Association ih president ah an rak hril.