Pope Francis in Vatican Muse ih former director hrang a riahsiat thu sim (Febuary 5, 2024

former_director.

Pope Francis in Vatican Muse ih former director hrang a riahsiat thu sim (Febuary 5, 2024)

          Pope Francis in Vatican Museum pawl ih former director le zuksuai mi pawl thuanthu lam ih hruaitu pakhat, Antonio Paolucci ih thihnak ah a riahsiatnak a langter.

          Vatican Museum ih former director, Antonio Paolucci cu a kum 84, Zarhpi ah a rak thi.

          A mah cu Italy le ramdang pawl ah kutthiam lam ah hminthang zet mi pakhat a si.

          Telegram ah, Pope Francis in Mr. Paolucci cu “Pope hnenah tirhsiang zet le a thiamnak lam ih riantu, upat tlak zet mi kutthiam neitu” tiah mangsal in a rak sim. Paolucci ih sungkua pawl hrang a thlacam saknak pawl le a mah bulpak in a riahsiatnak pawl khal a rak langter.

          Mr. Paolucci cu November, 2007 ah Pope Benedict XVI in Vatican Museum ih director dinhmun in tuanvo a rak pek.

          1939 ah Rimini ah a rak suak ih Venice, Verona, Montua, le Florence ih um museum pawl ah lamhmuhtu a rak tuan ih nunphung rothil pawl hrangah acozah lam minister dinhmun in a rak tuan.

          2016, July ah Mr. Paolucci cu a hlan ah deputy director dinhmun ih a rak tuan dah nak Barbara Jata ihsin Vatican Museum ah hlawhtlinnak a rak ngah vivo.

          Catlang pakhat ah, Mr. Jatta in, “Antonio Paolucci ih thihnak thawn pehpar in, Vatican Museum ih thuanthu ah naihniamnak a um,” tiah a rak sim.

          A mah in “kutthiam, mawinak le nunphung” ah a nunram zaten pumpe tu thuanthu lam ih mithiam zet pakhat a si” tiah a rak tarlang.

          Ms. Jaffa in, “Antonio Paolucci cun midang vekin ziangtin zohmaiw in um ding ti a thei,” tiah a rak ngan.

          “Tongkam lam thiamnak ah laksawng pek hleice mi an um ih a mah cu cu mi vek ah Siangpahrang a rak si.”

          Florence ih the Uffizi Galleries ih former director, Eike Schmidt in, “Antonio Paolucci ih thihnak in nunphung nunram a ziamral ter. A mah in, Mr. Paolucci ih a hnok zet mi hmuhnak pawl le ruahnak pawl a reh ter thei zia le mitin hnenih a thlen ter thei thu,” a rak simfiang bet.

          Mr. Paolucci ih sunloihnak ah “a mah cu minung pawl vei tampi tongkam thawn atcilh ter tu Museum tiah hmin a lak tul,” tiin Verde in a rak than.

          Cu vek thotho in, nunphung lam ih Italy Minister, Gennaro Sangiuliano in Mr. Paolucci ih thihnak in “Italy in pek duhnak thinlung nei tu le nunphung ih rothil pawl, humhimnak, khaisannak pawl hrangah a nunnak pumpe tu mi thiam zet pakhat kan sung a si,” tiah a rak sim.

          Hi thuthang cu Vatican News ih kan don mi a si.

 

Add new comment

2 + 2 =