Pope Francis in Zarhpi ni ah a hlan film director (lemnung zukthiam) le bawhlung lekthiam cu Puithiam cannak a pek thlang ding (April 20, 2021)

Pope Francis in Zarhpi ni ah a hlan film director (lemnung zukthiam) le

bawhlung lekthiam cu Puithiam cannak a pek thlang ding

(April 20, 2021)

         Pope Francis in April 25, Zarhpi ni ah Deacon pakua cu Puithiam cannak a pek thlang dingih cu mi sungin kum 28 mi, a hlan ih film director le bawhlung lektu thiam zet khal a tel.

         Cui mino, Samuel Piermarini cu 2010 ah kum 17 hnuai bawhlung lektu a phuaihi cu Italy lek nak pawlkom hrangih leh sak tu a si ih A.S Roma mino team ah kawl kiltu khal a rak si.

         Samuel Piermarini cu 20110 kum ah Ostia Mare ti mi Italy ram ih kum 17 tang Serie D bawhlung a phuaih sungtel ah a rak lek dah.

         Cu tawk ih a lek hnu ah A.S Roma bawhlung  team ih kawlkiltu a pahnih nak hrangah sawmnak a rak nga nain a rak el. A.S  Roma bawhlung team hi Italy ram ih lehnak pawlkom tumbik a si mi Serie A league sungtel pakhat a si.

         Cu tluk in lehpannak lam ihsin a hrangah sangka kaupi on sak a si ko nain, Samuel Piermarini cun a thinlung muril sungih a theih mi Pathian ih kawhnak lamzin thluln ding a rak hril sawn. Upat tlak zet mi mino pakhat a si.

         Cui hnu ah a mah cu Puithiam nunram ih kawhnak a rak ngah thu a thei aw tiin a innsungsang pawl hnenah a rak sim ih 2011, April 25 ni, tuukhaal tha Zarhpi ni ah ‘Redemptoris Mater seminary’ ti mi Puithiam tlawng ah a rak lut ih tu ah cu Rome Diocese pi hrangih Puithiam pakhat ah Pope Francis in St. Peter Basilicaa Biakinnpi ah a dang Puithiam cang tu ding pariat thawn kumkhua Puithiam cannak a pek ding a si. Cui ni thlen ding ka hngak hlap tuk tiin Vatican thuthang zung thawn thusuh awk nak ah a rak sim.

         Innsungsang pali sungin nautabik a si ih a innsang pawl khal in a thubohcat mi cu an lungkim pi thu a sim. Pope Francis ih kut sungin Puithiam cannak a la tu ding Deacon pakua sungin paruk cu Italy ram in an si ih a dang pathum cu Romania, Colombia le Brazil ram ihsin a ra mi an si. An zaten kum 26 le 43 karlak lawnglawng an si.

         Hi thuthang cu CNA thuthang ih kan ngah mi a si.