Pope Franis in India ram Goa ramthen ih Baroda ah Bishop thar a ret.

Pope Franis in India ram Goa ramthen ih Baroda ah Bishop thar a ret.

January 3, 2022

            Pope Francis in 2022 December 31 ah Fr. Sebastino Mascarenhas cu Baroda ih Bishop thar tiin a khaisang. India ram ih Catholic Bishop pawl pawlkom CBCI ih president Cardinal Filipe Neri Ferro in "Goa le Daman ih Kohhran hmin in le keimah hmin in hivek ih kohhran hrang hnatuan thar ruangah Fr.Sebastino ka lungawipi zet. Pathian ih bomnak thawn a rian thar thaten a tuan thei vivo ka bei sei" tiin a sim.

            Kum 63 a simi Fr.Mascarenhas cu Ranchi ih bawm tu Bishop le Daltonganj ih Apostolic Administrator asimi Theodore Mascarenhas ih unau a si. Amah cu Pilar ih society of the missionaries of St. Francis Xavier sungtel asi. Fr. Sebastino in tong phun ruk a tong thiam ih cupawl cu Gujarati, Hindi, marathi, English, German le French pawl a si.

.

Goa le Daman Archdiocese ah Fr.Sebastino cu 1959 July 29 ah Salcete ih Camurlim ah a suak. Hmaisaik a tong hman mi cu Konkani a si. Goa, Pilar ih Father Angel High School ah fim a zir ih Nagpur ih St. Francis de Sales college ihsin English le Economic in B.A buaih thawn a theh suak.

            1976 ihsin 1979 tiang Nagpur ih St.Charles Seminary ah Philisophy a zir. 1980 le 1984 sung Goa, Pilar ih All India Mission Seminary ah theology a zir bet. 1994 ihsin 2000 tiang Germany ram Sankt Augustin ih Philosophish Theologische Hochschu ihsin Missionlogy in licence a ngah. The society of the Missionarises of St. Francis Xavier ah 1976 June 20 ah hmaisabik thu kamnak a lak ih 1984 may 6 ah Goa ih Pilar ah Puithiam cannak a ngah.

            Cuihnu ah Vapi ih Our Lady of Velankani ah Parish Priest bawm tu tiin rian a tuan ih 1984-1992 tiang Cujarat, Vapi ih Mother of Hope tlawng ah tlawng uktu a tuan. Salvassa ih Our Lady of Piety ih Parish Priest tiin rian a tuan hnu 1998-1990 ah Silvassa ih Father Angel High School ah tlawng uktu tiin le 1990-1992 ah Nagar Haveli ih Shelti ah Chaplain tiin rian a tuan. 1992-1994 ah Germany ih tlawng a kai mi pawl a theh suak. 1994-1996 tiang Pilar Goa ih Mission Seminary ah professor tiin khal rian a tuan.

            Cuihnu India ah a tlung ih Nagar Haveli ih Dudhni ah Chaplain tiin le St.Xavier tlawng ah tlawng uktu tiin rian a tuan.1996 ihsin 2000 tiang Germany ah Systematic Theology in doctorate a ngah. 2000 ihsin 2002 tiang Goa, Pilar ih Mission Seminary ah animator le professor tiin le 2002-2009 tiang Goa, Pilar ih Mission Siminary ah Rector tiin le 2017-2022 August tiang superior General tiin rian a tuan. Himi thuthang cu RVA thuthang ihsin kan don mi a si.

https://bit.ly/3GAYHTQ