Pope in Giuseppe Dalla Torre ih a thih nak ruangah riah siat nak ca kuat. December 5, 2020

Pope in Giuseppe Dalla Torre ih a thih nak ruangah riah siat nak ca kuat.

December 5, 2020

            Giuseppe Dalla Torre cu Italy miphun thuthen tu asiih, a innsang cu Pope a dotdot pathum hnen hnatuan in a bawmtu an si. Amah cu kan dung tlawngkai ni li a kum 77 ah a nun nak a cem. A thih nak khal a tui a cang rero mi covid-19 thawng a pehpar aw. Vatican sung secretary a simi Cardinal Pietro Parolin hnen in lethmat thu in a theih mi thuthang ruangah a riah a siat thu, a inn sang thawn a riah siat pi thu, Nu Pawlpi hrangah an tuan bet vivo ruangah a lung a awi thu, Khrih ih tleu nak a lang ter thei tu, pum a pe aw tu asi thu ca sungah a ngan.

            Pope cu dungthlun tu thluasuah khal a innsang pawl hnen a pe ih, a thlarau kumkhua nunnak a nah thei nak dingah thla a cam sak ding thu ca sungah a ngan. Cui thuthen tu cu 1997-2019 tiang thuthen nak zungah hna a tuan. Amah cu Rome khuapi ih Lumsa phunsangtlawng ih tlawng uk tu tin khal 1997-2014 tiang hna a rak tuan. An phum nak Missa raithawi nak cu Cardinal Parolin in hoha in zarhte sunah St. Peter biakinn ah an tuah. Thuthangtha sungah “amah cu a Khristian nunram kha a tleu ter tu, a upat tu, Vatican ih rintlak zet ih hna tuan tu, rualpi, mi tha, tangdor tu, ruah nak nei tu, a nun dam sung cawl loin thlarau lam, nunphung um  daan, minung ih sinak kha Gospel thuthawn bang aw in nung dingah a tuah tu a si thu an sim bet. A neih mi hmuah hmuah nunphung ro pawl cu pakhat hman sup loin a zem nak in Bawi Jesuh ih tahthim nak zuam zet in a nun pi tu a si thu” khal an sim. Himi thuthang cu Vatican thuthang ihsin kan ngah mi a si .

https://bit.ly/2JGKtpM