Pope hrangah nauhak pawl ih ngan mi thlacamnak card pawl America ih Puithiam pakhat in ken sak (January 23, 2022)

Pope hrangah nauhak pawl ih ngan mi thlacamnak card pawl America ih Puithiam pakhat in ken sak

(January 23, 2022)

          Pope Francis ih mipi pawl thawn tonawknak puai cu Puithiam pawlkom pakhat in Canada allan an zaap rero lai a rak hmu  ko nan an zaten Canada ih a rak mi Puithiam cu an si lo. Cu mi sungah Fr. Jeremiah Boland le Fr. Shaun Haggerty pawl cu America ram in an si ih Theology zir dingah Rome khuapi ih a thleng tu pawl an si.

          “Tui ni St. Peter thlaankua ih Missa sumnak tuah theh ah Pope toncaan an rak ngah” tiin Fr. Boland in a rak sim ih Fr. Haggerty in south Dakota Sioux Falls ih hna a rak tuan rero nak Catholic tlawng ih nauhak pawl ih ngan mi thlacamnak card pawl mipi pawl thawn tonawknak ah Pope Francis laksawng ah pe dingih an rak ken thu, ‘Puithiam pakhat dinhmun in ka hnatuan a tam tuk ih tuah ding tla tampi a um.

          Curuangah tui ni ah mi tampi in Pope hrangah thla an cam rero ti theih mi in bawmnak ah a can ter ih Pope hrangah kei khal thla ka cam sak rero thu theih ter ka duh. Ziangah tile Pope ih Pawlpi honak tuanvo cu a har zet mi tuanvo a si ih Pope a mah lawng si lo in Bawi Jesuh tla a mah thawn a um’ tiin Fr. Haggerty in a sim.

          Pawlpi thentheknak sawhkhih in mipi thawn tonawknak ih a um lai ah thuthangtha pawl cu tong tampi thawn sim tu Pope ih thuthangtha pawl theihnak ruangah a ruahnak a luan thu Fr. Boland in a rak sim ih tongletnak thawngin Pawlpi thentheknak le pawlkomnak I mang ter tiah a sim.

          ‘Pawlpi cu mi zapi thawn pehpar mi Pawlpi a si. Ruahsannak tumpi thawn a thar in thazaang silhkhah in ka ra sal ding. Veikhat veihnih ah hmunkhat lawngah thinlung ka ret theu. Rome khuapi ih ratnak thawngin thil mawi ter tu pakhat in nang mah cu leilungpi ih thatnak hmun ah a tuan rero thu a thei ter’ tiin khal Fr. Boland in a sim.

          Khui tawk hmun ah siseh Rome khuapi le ziaza le Pope ih thluasuah pawl an pawlkom hnenah ka keng ding tiin khal a sim. Hi thuthang cu Rome Reports thuthang ih kan ngah mi a si.

https://bit.ly/346yyLV