Pope in India ram, Agra ah Archbishop thar tuanvo pek November 13, 2020

Pope in India ram, Agra ah Archbishop thar tuanvo pek

November 13, 2020

          Pope Francis in Allahabad ih Bishop Raphy Manjalycu Agra ih Archdiocese ah a thawn. Pope Francis in tlawngkai nili ah India ram, Agra ah Archbishop thar tuanvo a rak pek. A mah in Allahabad ih Bishop Raphy Manjaly cu saklam India ih Uttar Pradesh ramthen ih Agra khuapi ah a rak thawn.

          Hnatuan pek nak cu 2007 ah Agra Archdiocese  rak hoha tu Archbishop Albert D’Souza a cawlh nak Pope in a lungkim hnu ah a thok a si. Archbishop D’Souza cu kan dungkum ah Bishop pawl ih cohlan mi cawlh nak kum a kim in a rak cawl. Bishop Manjaly  cu February 7, 1958 ah Kerala ramthen ih thlanglam India ih Vendore ah a rak suak. A tlawngkai a theh in 1973 ah Agra ih um St. Lawrence Minor Simnary ah a rak lut ih Allahabad ih um St. Joseph’s Regional Seminary tlawng in Philosophy le Theology a rak peh bet.

          Agra Phundangtlawng in buaih a rak lak hnu ah Italy,  Rome ih Anelicum University ih doctorine buaih a rak ngah. May 11, 1983 ah Puithiam cannak a rak ngah. Pope Benedict VI nak in February 24, 2007 ah Varanasi ih Bishop ah tuanvo a rak pek ih cui kum, April 30 ah Bishop cannak puai an rak ngah. Pope Francis in October 17, 2013 ah Allahabad ih Bishop ah tuanvo a rak pek. Hi thuthang cu November 13, 2020 ah Vatican thuthang ih kan ngah mi a si.

https://bit.ly/38BN4ve