Pope in India saklam ih Imphal ah archbishop thar ret. (October 08, 2023)

Pope in India saklam ih Imphal ah archbishop thar ret. (October 08, 2023)

A tu ah cun archdiocese ih judicial vicar a tuantu a si.

Pope in Imphal diocese ih Archbishop Dominid Lumon ih kum 75 kim ruangih cawlhnak ca a kuat mi a rak cohlang.

Fr Neli cu 1957, April 26 ah Imphal ah a rak suak. Amah cu Shillong ih Christ the King College ah Philosophy a rak zir ih India thlanglam Maharashtra in Pune ih Papal Seminary ah theology a rak zir.

Amah cu Rome ih Pontifical Urbaniana University ah Canon Law in Doctorate a rak ngah.

1984, December 20 ah Puithiam sinak a rak ngah ih Imphal Diocese  ih Retreat Centre ah Director a rak tuan.

1985-1986 ah Imphal ih Minor Seminary ah zirhtu a si ih 1986-1988 ah Archbihop ih secretary a rak tuan.

1988-1989 ah Hungdungih Sacred Heart ih Parish Priest bawmtu in a rak tuanih 1994-1998 ah Imphal ih Judicial Vicar le Chancellor, Hungdung ih Sacred Heart Institude ih tlawnguk tu a rak tuan (1998-2004).

Bangalore ih St. John's Medical College Hospital ah pawlkom ih director, (2004-2007) Imphal ih Vicar General (2007-2010); Ukhrul ih Mary Help of Christians ah Parish Priest (2010-2013) le Caritas India ah national director (2013-2014) ah a rak tuan tu a si.

Oriens Theological College, Shillong ah rector (2014-2017) Parish Priest le Monsang Pantha ih San Pietro Institute ah Tlawnguktu a rak tuan a si. (2016-2019)

2019 ih thok in Imphal ih judicial vicar of the Metropolitan Court ah le Archdiocesan Retreat Center ah director a rak tuan tu a si.

Hi mi thuthang cu RVA Thuthangih kan don mi a si.

Imphal Archdiocese cu 2022 Vatican ih cazin simthannak ah Catholic mipum 101283 tiang an um ih Parish 54 an um ruangah 1995 July 10 ah Archdiocese dinhmun ih an khaisannak a si.