Pope John Paul II ih rualpi asimi Cardinal Jaworski a nun nak a cem. September 07, 2020

Pope John Paul II ih rualpi asimi Cardinal Jaworski a nun nak a cem. September 07, 2020

            Pope John Paul II ih a rual pi asimi Cardinal Jaworski cu a liam zo mi zarhte sunah a nun nak a cem. Pope John Paul II ih secretary Cardinal Stanislaw Dziwisz ih kuat mi ca ah "Pope John Paul II le Cardinal cu kawhhran ih a thuk zet mi zum nak le duhdawt nak, harsat caan ah ral tha zetin kawhhran hrang rian tuan dingah man cia nakin an caan netabik tiang an lung a rual thu" a lang ter.

            Cardinal cu August 21, 1926 ah Lviv khuapi ah a rak suak. 1950 ah Siangbawi si nak a lakih ca a zir bet ih 1965 ah doctor buaih pathum a ngah. 1967 kum tlang leng rinlopi ih cangsual nakah a kehlam kut a tuah mawh ngah. 1976-1981 ah Theology tlawng ih daan kai tu tiin tuanvo a nei ih, cui phunsangtlawngih tlawnguk tu tiin (1981-1087) tiang a rak tuan.

            1984 Pope John Paul II in Cardinal kha Lviv Archdiocese ih manager tiin a ret. June 23 ah Cardinal Franciszek Macharski ih kut in Bishop si nak a lak. Ukriane ram cu Soviet union in an suak thu an than nak 1991 ah Cardinal Jaworski cu Lviv ih Archbishop a cang. Kum khat a rei hnu ah Ukriane Catholic Bishop pawl pawlkom ih hotu ah an hril. 1997 ah Pope John Paul II in amah cu Cardinal tiin a thup ten a ret. Kum thum a rei lawngah amah cu Cardinal hotu (red hat) cu mi tampi hmaiah a ngah. 2008 kum ah Archbishop ihsin a cawl ih, Krakow ah a um. Amah vui nak cu Sep11 ah tuah ding asiih a ruak cu mangbangza in Calvary tlang Bawinu Biakinn te ih thlan ah amai duh nak vekin phum ding asi. Himi thuthang cu CNA thuthang ihsin kan ngah mi a si.

https://bit.ly/32keDG0