Pope le Vatican kil him tu Swiss Guard pawl a din thokin kum 515 kim an tuah. January 22, 2021

Pope le Vatican kil him tu Swiss Guard pawl a din thokin kum 515 kim an tuah.

January 22, 2021

            January 22 cu Swiss kiltu pawl ih anniversary Pope Julius II ih din nak kum kim a si. Tui kum cu Swiss kiltu pawl an din nak kimkum an tuah. Pope Julius II in kiltu pawl cu 1506 ah a rak din. "Leitlun ih a fate bikmi ralkap" tiih kawh mi Vatican thuthen nak zung caanserh ih thukam nak a lak tu Swiss kiltu pawl hrangah Pope ih hoha nak thuai ih a ummi Roman Catholic Pawlpi in inn a rak san sak.

            Hi caanserh cu kum tinten May 6 ah, 1527 ih tuah mi kuthruk tuah nak kumkim ni cing dingah le Pope Clement VII a kil tu, Swiss Guard kiltu 150 pawl an thih hnu ah a tang lai mi Swiss Guard kiltu 22 ih kilhim nak thawn Castel San't Angelo kiangkap cu a rak luat.

            Kumzabi a lai hrawng ah, Europe ram ah Switzerland in mipi ih rinsan bik nak a rak ngah. French Siangpahrang a humhim tu Swiss ralkap pawl a lawm tu Pope Julius II in a mah kiltu dingah le a Siangpahrang inn pawl kilhim tu dingah Swiss ralkap 200 a rak dil. Thla reipi an rak feh hnuah, Swiss kiltu 150 pawl cu Pope kil dingah January 21, 1506 ah Rome ah an rak thleng.

            2015, ah dil mi kiltu 135 sung in 110 an rak then sin. Ralkap thar pakhat ciar famkim a tul, a hmaisabik ah Switzerland ih ralkap tin daan ih a kai tu in a tul. Pontifical Gendarmerie tluan ah, Swiss ralkap pawl in Vatican sung le a lenglam ah Pope ih him nak hrang tuanvo an nei ih Pope Francis mipi pawl thawn ton awk caan ah mipi karlak a feh lai khal ah tuanvo an nei. Himi thuthang cu Vatican thuthang ihsin kanngah mi a si.

https://bit.ly/3pf4nrp