Pope in lektu pawl hnen "tlan tlang uhsi" tiin a sawn Sep 5, 2020

Pope in lektu pawl hnen "tlan tlang uhsi" tiin a sawn

Sep 5, 2020

            "Tlan tlang uhsi" timi program cu June 8 ih a thok mi online ih fund hawl nak program pakhat a si. Cui fund paisa cu Italy saklam, Bergomo ih Pope John XXIII siizung le Brescia ih siizung ah bom nak pe dingah a si.

            Ziangruangahtile cui hmun pahnih cu corona virus ih nasa zet ih nam nuai nak a tuar nak hmun a si. Curuangah Vatican lek tu pawlkom din in, "tlantlang uh si" timi thulu pek in cangvaih a si ih August 6 ah an cawl zo a si. Himi program cu Pope kut tang ih nung phung lam zung "aihre pianzia a nei mi pawkom" pawl tang rual in tuah mi a si.

            Siibawi pawl in mi na pawl kilkhawi ding tiin ruahsan phah in, Pope Francis cu cui pawlkom ih aiawh tu pawl thawn a liam zo mi zarh te niah an tong aw. A hman mi cu May 21 niah tong aw ding in tumtah asinan corona virus ruangah an bal. Pope cu a tlun lam ih sim mi siizung pahnih ih aiawh tu hnatuan tu pawl lungawi ten hmuak in, hitivekin hmuak nak cu an aiawh tu asimi hnatuan pi pawl, Italy ram sugn ih harhdam nak hnatuan pawl le leilung pumpi ih harhdam nak hnatuan dingah hnatuan menmen siloin ziangdang ruat loin an um thu Pathian in nan pek awk nak ah thluasuah pe hram seh tiin thla khal a cam sak.

            Minung sinak lang te nak, Pope cu program ih a tel tu lek tu pawl kha lungawi thu sim phah in himi cangvaihnakah zuar thei dingah lek nak thilri pawl a hlu tu leilungpi ih lek tu pawl, thirleng champion Peter Sagan in a hlut mi thilri pawl le thirleng pakhat, 2016 kum Rio de Janeiro khuapi ih tuah mi taksa kimlo Olympic zuam awk nak ih Alex Zanardi ih hruk mi lek nak angki cutivek pawl ruangah a lung a awi thu, lek tu tampi cu anmah pawl thawn tong aw cih thei dingah an inn sangka pawl on in an hmuak thu a theih tikah a lung a awi tuk thu, inn sangka  ong ti tikah thinlung sangka ong thawn a bang awk thu, "kan tlan tlang pei" timi program cu lek tu champion pawl le taksa kimlo a dang champion pawl thawn tong aw in lawng pakhat to tlang, khual tlawn tlang duh nak a nei ter.

            Leh nak cu dam lo nak a dam ter. Fund hawl nak pawlkom sungih mi pakhat ih a mah rori ih a ton mi a sim mi cu leh nakah kan zaten kan tel. Ulenau taktak sinak a suah ter. Nat nak pawl a dam ter. Kom awk nak le nel awk nak a suah ter timi thu hla cu a lung a kim zet thu, a hman mi le nak cu nuam duh nak thin lung a kham thu, tiduhsan cu paisa hnak in zalen zet in tel nak asi thu a sim. Cuihnuah Pathian ih bom nak ah kan zaten "nunau pawl hrangah minung sinak hrangah "tlan tlang uh si" timi forhfial in a thu sim a cawl. Himi thuthang cu Vatican thuthang ihsin kan ngah mi a si.

https://bit.ly/3ihlyVD