Pope Leo XIII hnenih laksawn pek mi Biakinn. July 22, 2020

san_gioacchino_credit_daniel_ibanez_cna.jpg

Pope Leo XIII hnenih laksawn pek mi Biakinn.

July 22, 2020

          Rome khuapiah Biakinn tampi a um ko nan Catholic mi pi pawl in Pope hnenih laksawng an pek mi Biakinn dang a um lo. Asinan San Gioacchino ai Prasti di Castello hmin a nei mi Biakinn cu dang lam deuh. Cui Biakinn pi cu St. Peter Basilica Biakinn in peng khat hman a hla lo. San Angelo thawn ahlat lo nak hmunah a um. Gioacchino hmin a nei mi Pope cu a mai thianghlim hmin a si mi St.Joachim hmin a nei mi Biakinn pakhat sak duhnak a rak nei.

Abbot (Yatih), Antonio Brugidou hmin a nei mi a rak sakih kumsarih a reihnuah a sak theh. Cui Yatih a thih hnuah ram 27 in Pope ih duhnak vekin Bawipa thi le sa upatnak hmun a hlei in an rak sak. Cui Biakinn lutnak sangkaa kiangah a hlu tu pawlih hmin a rak ngan. A tambik ih a hlu tu ram 14 pawl hrang khalah an mai ram hrang ciarah Biakinn te 14 tla a rak sak sak.

          Cui Biakinn fate pawl cu ramtin ih an maita dingin a rak tuah. Missasumnak Pulpit thlunah lungrang thawn tuah mi Bawipa thi le sa retnak a um ih Bawipa thi le sa thawn pehpar mi puaiah cui hmun cu an hmang theu. A kap veve ah meifar a kai mi Vangcung mi pawl ih zuk khal an tuah ih an ret. Sapain ramih Bawipa thi le sa upat nak cu hmun hlat nak hmun khal in an ra ih thla an ra cam. Cuvek thotho in America, Italy ram pawl a pehpar mi Biakinn fate pawl khalah mithianghlim pawl ih zuk pawl le ram ih zulh in an mai nunphung ciarih thuam thawn Bawinu Maria zuk pawl an tuah ih an ret. Cui hleiah biakinn ih a ratupawlih  an theihthei nak dingah Latin tongin an ngan mi cu “ding felnak le sual cawhkuan nak hrangah Rome khua pi Catholic Diocese ih thlacamnak” tiah an rak ngan. Hi thuthang hi July 22 CNA thuthangih kan ngah mi a si.

https://bit.ly/3hEWpUq

        

         

         

 

Add new comment

1 + 5 =