Pope in Lunar (Tuluk) kumthar puai ah cibai buk nak kuat.

tuluk_kumthar_puai_ni_ah_pope_in_cakuat

Pope in Lunar (Tuluk) kumthar puai ah cibai buk nak kuat

               Pope in Asia ih Lunar kumthar puai a hmang tu pawl lungawi zet in cibai a buk ih pulhnat a tuar rero tu pawl kiangnai te ih a um pi thu khal a sim. 

Pope in Tuluk pawl ih tuahdaan kel vekin Lunar (tuluk) kumthar puai ah a lungawi pi nak ca a kuat. St.Peter tual ih Angelus thlacam theh ah, Pope in leiltun killi in Lunar (tuluk) kumthar puai a tuah tu pawl hnen ah remdaihnak thleng hram seh tiin duhthu a sam sak. 

"A tu vekih lungawi caan ah coronavirus pulhnat a tuar tu pawl hnen nai ten ka um pi thu sim lo in a um thei lo, rei lo te ah har sat nak pawl tuah suak thei ding ka beisei" tiin Pope in a sim. 

"Netabikah, zangfahnak, tangdornak, lungrualnak le thinlung hmunkhatnak pawl cu atu caan ih rampi huap innsang pawl ih kom awk salnak, kan pehtlaih awknak ah karh ringring in, innsang le nunphung ah lungawinak nunram thawn um hram seh tiin ka beisei"

"Happy New Year!" tiin Pope in asim. 

Lunar kumthar asilole Tuluk pawl ih kumthar cu "Spring Festival" tiin Tuluk lam ah cun ti asiih himi cu Asia ah Lunar (Tuluk) kumthar tiin tampi a ummi puai lak ih pakhat asi ve. Tuluk miphun le Tuluk asilo mi pawl leitlun huap ih tuah mi puai asi. 

Himi cu lunar calendar ih hmaisabik thlapi a lang in tuah asiih ni 15 hnu lunar calendar ih thlapi thul caan ih tuah a si. Himi thuthang cu Vatican thuthang ihsin kan don mi a si. 

https://bit.ly/3XTocpe

Add new comment

10 + 8 =