Pope pathum hrangah hna a rak tuan tu puan thi tu asi thu sim October 24, 2020

Pope pathum hrangah hna a rak tuan tu puan thi tu asi thu sim

October 24, 2020

            Rome khuapi ih um Vatican lam zin thawn zawm ih a um mi dawr pakhat a si. Cui dawr cu Mancinelli Clergy thil thit nak dawr a siih a nei tu cu Ranero Mancinelli a si. A mah cu 1962 ihsin leilung tlun pumpuluk ih Puithiam, Bishop pawl hrangah an kawr pawl an rak thit sak. “Zangfah lainat nak thawn hnatuan tikah tangdor nak cu kan ziaza tha pawl a si. Pope pathum hrang a thit sak dah tiah a sim. Thuthang pawl zoh tu pawl in zawi hrang na thit sak duh lai tiih an sut tin ten ziang hman a tul nawn lo. Pope thun ah Pathian lawng a um tiah a sim theu. Pope Benedict dinhmun a lak hlan ah a nau nu in thit ding tinten a rak ap ih puan thaan a pek ih a dinhmun a lak hnu khal ah ko in amah rori in la in a rak thit.

            A rualpi Cardinal pakhat in a sawm ih zing rawl ei theh ah cui Cardinal in “tu a ei theh mi hmuk pawl cu Pope John Pawl ih hmuk pawl an si tiah a rak sim. Cardinal pawl le Bishop pawlin Vatican an tlawn tinten a hnen ah lut in cibai an buuk ta theu. Amah khal a lungawi thu a rak hmuh theu. A nauhak lai ihsin kawr a rak thih ruangah a thit mi pawl an mawi zet. Amah in kawr fual za, tinkan, Bishop le Cardinal pawl ih an khum mi lukhuh pawl a thit ih  a tuahcun Borgo Pio lamzin ih um a mai company fate a hoha rero lai a si. Himi thuthang cu Rome Reports thuthang ihsin kan ngah mi a si.

Photo Courtesy of : Vincenzo Pinto/AFP

https://bit.ly/2HA6w0p