Pope pawl ih kum a rei mi riantuannak theih tul mi pawl (December 16, 2021)

Pope pawl ih kum a rei mi riantuannak theih tul mi pawl

(December 16, 2021)

            December 17 cu Pope Francis ih kum 85 kim suah ni sunglawi a si. Nu Catholic Pawlpi ih Pope 266 sungah kum 85 luan mi Pope pawl cu 11, 12 hrawng lawng an um. A tamsawn cu kum cuihnakih mal an nunnak a cem. Curuangah Pope Francis cu hminsinnak pakhat a luan thei. Pope pawl lakah kum upa bik tiin thuanthu um tlak tu cu Pope hnatuan cu (2005-2013) tiang a tuan tu, kan dung September 4 ih kum 94 a kim tu Pope Benedict 16 nak a si.

          Pope Benedict 16 cu kan dung kha kum 94 kum suah ni a hmang thei. Amah hnakin kum 1 a nauta mi Pope Leo (1879-1903) cu kum 93 kum le ni 140 rei a dam. Pope Benedict 16 cu tuanten a cawl nan a colh caan ah kum 86 kum dingah ni 47 lawng a duh. Kum zabi 20, 1900 ihsin thokin Pope Leo 13, Pope Benedict le Pope Francis lo a dang kum 85 an luan lo thu hmuh a si.

Kum tam nak thawn Pathian rian tuan nak ih colhnak

          Atu-ah mai hnatuan nak ihsin, a liam zo mi kum 8 hrawngih a cawl tu Pope a cawl zo tu cu a hnatuan nak ihsin a cawl. Hivekih a colhnak cu Pope Benedict 16 cu rei lo te ah a nunnak a cemding tiin a ruah awk thu cu a mai thuhla ngan tu Peter Seewald hnen a rak sim. Curuangah Pawlpi ah Pope um loin a lawng ih um ter a duh lo ruangah timtuah cia in hril nak a si ding a bang.

          Nu Pawlpi ih thuanthu ah Pope hnatuan ihsin cawl hnuah kum 85 luan tiang a dam tu Pope 3 an um. Anmah pawl cu,

1.Yatih nunram ihsin Pope tiin hril mi Pope Celestine (5) (1294-1295) a si. Amah cu Pope dinhmun in kum 85 ah a cawl ih, kum 86 ah a nunnak a cem.

2. A dang pakhat cu (1406-1415) tiang Kohhran pi a rak hoha tu Pope Gregory 13 a siih, Pope cu kum 92 ah a nunnak a cem. Kum 90 ah “Constant” thurelkhawmnak ah an cawl ter. A colh caanah kum 90 a si zo. Upat tlak mi san lai hrawngih Pope pawl sanlai hrawng ah kum 85 a luan tu Pope tampi an suak. Tahthimnak ah,

1.Pope Celestine V

2.(1191-1198) tiang Kohhran rak hoha tu Pope Celestine III khal a tel. Amah cu France Siangpahrang Philip Augustus Orsini innsang (Italy Siangpahrang innsungsang) a rak dodal tu Pope a si. Pope cu kum 91 ah a nunnak a cem.

3. Pope Luis III (1181-1185) a si. Amah cu Rome Siangpahrang a dodal tu a sivekin aveithumnak crusade raldonak rak hoha tu khal a si. Kum 88 ah a nunnak a cem.

4. Pope John XXII a si. Amah cu Kohhran pi kha (1316-1334) tiang a rak hoha ih, kum 90 ah a nunnak a cem. Pope tiin hril asi hlan ah a hmin cu Jacques Dueze a si. Pope tiin hril a si caanah Cardinal Jacques Dueze cu kum 72 lawng a si. Pope hnatuan kum 18 sung a tuan. Amah cu Pope zung umnak kha Rome khuapi ihsin France ram, Avignon ah a thawn ih tidaan pawl a linglet ter. Himi thuthang cu Aleteia thuthang ihsin kandon mi a si.

https://bit.ly/3qd2IV6