Pope pawl ih thuanthu ah mi tampi in Pope John Paul II cu a dang Pope pawl hnakin hmun le ton a rak ol deuh thu sim September 21, 2021

Pope pawl ih thuanthu ah mi tampi in Pope John Paul II cu a dang Pope pawl hnakin hmun le ton a rak ol deuh thu sim

September 21, 2021

          Pope tuannak a pahnihnak ih a rei bik mi rian rak tuan tu Pope John Paul II in a mai hoha ih rian a rak tuan sungah ram 129 ah a tuukhaal khual a rak tlawng ruangah leitlunhuap hotu pawl lakah nasa zetin khual rak tlawng thei tu leitlunhuap hotu pakhat a si.Pope Innocent XII in a khahmul netabik a rak rettu Pope tin siseh, Pope Clement VIII in coffee a rak in hmaisabiktu Pope tin siseh, (Kumzabi 16 ah coffee in cu satan ih rawl tiin an rak cohlang). Pope Leo X cu Vui kha innzuat sumhnam in rak cawm tu  hmaisabik le netabik Pope tin siseh, Pope Pius XI cu 1932 a thoknak lam ah hmaisabik moble phone rak hmang tu Pope tin siseh, khawmzawh a peih zet tu Pope, Pilgrim Pope tiih mi theih tam zet mi Pope Paul VI nak cu hmaisabik vanzam thawn khual a tlawngtu Pope tin siseh, 1809 ihsin thok in Italy ram ih ram leng ram pawl ih khual a tlawng tu Pope tin a hmin a rak thang.

          Asinan, Pope John Paul II cu a mahhlanih Pope tuantu pawl hnakin tuukhaal khual a tlawng tam bik tu Pope pakhat a si. Pope in leitlun cu vei 31 tiang a vel theitu khualtlawng a hlat nak thawn a bang aw mi peng 721,052 ah a Tuukhaal khual a rak tlawng thei. Curuangah mi tampi in Pope John Paul II cu thuanthu sungah a dang Pope pawl le midang pawl hnak in an upat zet. Pope John Paul II cu Catholic Pawlpi thuanthu ah 1846 in 1878 tiang kum 32 tiang rak hoha tu Pope Pius XI hnu ah a pahnihnak kum reibik Pope tuantu a si. Pope John Paul II nak cu 1978 ihsin a thih kum, 2005 tiang kum 27 rian a rak tuan. Pope John Paul ih hminthannak cu el a ngah lo. 1994 ih suak mi Time magazine ah Pope cu Person of the Year (kumkhat sungah mi ih upat bik mi) tiih hrilnak a rak ngah.

          Gallup (leitlunhuap ah mipi pawl ih duhnak in cazin an lak mi ah American thuthang pawl ih cipciar ih an laknak le ruahnak peknak company) ih simnak vek a si le American ram mi pawl lak ah leitlunhuap ah a pariatnak mipi ih upat bik mi tiah a rak tarlang. Pope cu bawhlung lek paih zettu a si vekin Barcelona bawhlung a team, Borussia Dortmund bawhlung a team, Schalke bawhlung a team pawl in Pope cu upat zet mi a team sungtelah an nemhngetih tlunah Basketball nunram ih sunloihnak laksawng Harlem Globetrotter khal in sunloih mi a si. Cu tiin Pope in a Tuukhaal khual tlawnnak cu Tuuruun pawl thawn nel aw ten tonawknak cu neta lam ah Pope pawl hrangah zohthim tlakah a rak cang.

          Tui tikcu caan ah Pope pakhat ram tin vel in a tuukhal khualtlawn cu a mak tuk lem lo nan a hlan kumzabi pawl ah Pope in a mai um nak hmun Rome khuapi ih lenglam ah a khual tlawnnak cu a danglam tuk. Khristian dinhmun in a thoknak lam kum 500ah cun, Pope pawl cu ramri nor tu ramuk tu Siangpahrang pawl ih ram ihsin dawinak ruangah Rome khuapi a rak suahsan. A ngaingai ah cun ram ihsin dawinak cu Khristian biaknakih a thoknak lam pawl ah an rak hman dah mi upadi pakhat a si. Hlan Khristian cabu vek asile Pope Clement I, Pope Peter, Pope Linus le Pope Cletus pawl hnuah a palli nak Pope cu kum 99 hrawng ah ram uk tu Siangpahrang Trajan in ram in a rak dawiih a rak that a rung cu tipi dum (Black Sea) sungah a rak thlak. Pope Pontian in 230-235 ah Sardinia ramah a rak dawi ih a nunnak a rak cem. Pope Cornelius khal Rome khuapi ihsin kilometer 80 hrawng a hlatnak Civitavecchia ram ihsin dawi a tuar hnu kumkhat a rei ah a nunnak a rak cem. Cui hlei ah Siangpahrang Constantius II nakin Pope Liberius cu 352-366 ah Beroea ramah a rak dawi. Asinan, ramdawi tuarnak cu tuukhaal khualtlawn thawn a danglam tuk.                                                                                         Hi thuthang cu Aleteia thuthang ih kan ngah mi a si.

https://bit.ly/3zKrkHo