Pope in Philippines ih Divine Word Puithiam cu Occidental Mindoro ih San Jose ah Bishop thar tiin khaisang. December 17,

Pope in Philippines ih Divine Word Puithiam cu Occidental Mindoro ih San Jose ah Bishop thar tiin khaisang.

December 17, 2022

          Pope Francis in the Society of the Divine Word (SVD) ih Puithiam Fr. Pablito Martinez Tagura cu Occidental Mindoro ih San Jose ah Bishop thar tiin a hril. 2016 thla lai ihsin Pope in Bishop William Antonio cu San Jose ih a langten Bishop tiin a ret ih, Isabela ih Ilagan Diocese Bishop cu Apostolic Administrator dinhmun in rian a tuan.

          Duh kawh in “Father Pads” Pablito Martinez Tagura cu a tu ah Quezon khuapi ih Christ The King mission seminary bawm tu tiin tian a tuan. Fr.Tagura cu 1962, January 15 ah Abra Tayum ah a rak suak. 1978 ah Christ The King mission seminary a feh hlan ah kumthum sung St.Joseph minor seminary ah a rak lut ih kum 4 sung Abra Bangued ih Divine word college ah fim a rak zir.

          1980, June 1 brother si dingah Tugaytay khuapi ih Divine Word seminary ah a rak feh. Aveikhatnak kumkhua thukamnak cu 1982, June 6 ah a rak lak ih netabik thukamnak cu 1988 May 31 ah a rak lak. Kum 60 asimi Puithiam cu 1988, June 9 ah Deacon a rak ngah ih 1988 December 17 ah Puithiam sinak a ngah.

          Divine Word Seminary ah kuthiam lamah Bachelor le Philosophy lamah Master a rak ngah. Biaknak lam thawn pehpar mi hnatuan n sum a rak ngah ih Divine Word seminary ah AB theology le Pontificia Universitas Urbaniana ah degree buaih a ngah. 1997 ah USA, Wisconsin, Milwaukee ih Marquette phunsangtlawng ah philosophy thiam sang buaih a rak ngah. Pehbet in Christ the king mission cemisary ah hotu le zirh tu khal asih, SVD Philippines central Province ah Provincial council tiin khal tian a tuan.

          1982 April 5 ah San Jose an rak din 2020 ah mi 525,354 an um ih anmah lak ih zatek 87 cu Catholic an si. Himi vicariate ah Parish 20, Diocese ah Puithiam 11, biaknak a phunphun ih Puithiam pawl, deacon pawl, brother pawl, Sister pawl le mi menmen mi tampi an tel. Himi thuthang cu RVA thuthang ihsin kan don mi a si.

https://bit.ly/3Ws5owp