"Pope St.John Paul (II) a thi hrih lo, a nung lai" timi zuknung ih director laksawng pe. November 27, 2020

"Pope St.John Paul (II) a thi hrih lo, a nung lai" timi zuknung ih director laksawng pe.

November 27, 2020

            "Pope St.John Paul (II) a thi hrih lo. A dam lai" hminsin nak zuknung a zuk tu director cu ram tinkim thawn pehparin laksawng asimi Mirabile Dictu laksawng pek a si. Cui zuknung cu Pope St.John Pawl (II) ih thlacam sak nak dil in co mi thluasuah pawl thu cu Rome Reports in an tar lang a si. Zuknung ih director Antonio Olivie ih ruah nak St. John Paul (II) mi minung pawl upat thiam deuhdeuh dingah ti thei nak a neih ruangah a lung a awi tuk thu, amah ih thil ti thei nak, keneh pawl cu a nung ringring thu, a tui ngah mi Mirabile Dictu laksawng cu ram tinkim Catholic zuknung puaipi ihsin pek mi laksawng pakhat a si.

            Himi puai cu zuknung suah tu le director khal a simi Liana Marabini le Vatican ih nunphung zung thawn kom aw in pek mi a si. A tha bik zuknung cu Polan zuknung asimi "The Day of Wrath" timi zuknung in a ngah. Zuknung pawl lakah a pakhat nak a ngah tu zuknung cu "I have a name" timi hmin pek asi ih, America ram, Chicaco ramthen ih inn le lo nei lo pawl kilkhawi nak thu zuk mi a si. Zuknung laksawng cu "Medjugorje, land of faith" Medjugorje, zumnak ram tiih hmin a nei mi zuknung in a ngah.

            Medjugorje cu Bosnia ram in a siih, Bawinu langnak a hmuh nak khuapi pakhat a si. Peh bet in lang nak a hmuh nan tui ni tiang Nu Pawlpi in lang nak cu an nem hnget hrih lo. 2020 kum ih laksawng pek nak cu a vei (11) tuah nak a si. Laksawng pawk mi tacik cu, dar thawn tuah mi nga zuk a siih, cui laksawng tacik cu covid nat ruangah aralai dingmi 2021 January thla lawngah cohlang ding a si. John Paul a thi hrih lo. A nung lai zuknung cu Rome Reports Premium ah zoh a ngah zo. Himi thuthang cu Rome Reports thuthang ihsin kan ngah mi a si.

Photo courtesy of: Rome Reports

https://bit.ly/2Jlw8in