Pope in thahnak a tuartu witness of charity ih Puithiam mangsal in thla a cam sak. September 16, 2020

Pope in thahnak a tuartu witness of charity ih Puithiam mangsal in thla a cam sak. September 16, 2020

         Mipi pawl thawn tonawknak a cem net lam, zumnak thu thawn pehpar in Italy tongih cibai buuk hlan ah Pope Francis in Como Diocese ih Puithiam, Fr. Roberto Malgesini mangsal dingah malte sung a cawl ta.

         Tlawngkai nithum, San Damaso Courtyard ih mipi pawl tonawknak hrangah zumnak lam thawn pehpar in Italy tongih cibai buuk nakah Pope Francis in tlawngkai ninhnih ni, zinglam ih thah a tuar tu, Italy ram, Como Diocese ih Puithiam mangsal dingah malte sung a cawl.

Fr. Malgesini ih thih nak

         Fr. Malgesini ih ruak cu a um nak khua kiang ah hmuh a si. Hriamhma tampi a tuar ih a hngawng ah khal an thah nak hriamhma a um.  An sim nak vek a si le Fr. Malgesini in zingtinten a tuah ringring mi a tulsam mi pawl hnenih zingrawl pek nak cu a rak thok. Fr. a that tu cun innleng in a rak hngak. Fr. Malgesini in cu pa cu inn nei lo a si ti a theih ruangah a rak bawm theu. Cu pa thawn an caan thaten an rak hmang tlang dah tiah an sim.

         Asinain, Pope Francis a mah rori in mipi thawn an tonawk laiah cu pa cu thinlung lam dam lo nak a nei si ding tiah a rak sim. Pope Francis in Como ih um Fr. ih sungkhat pawl le a pawlkom pawl ih riahsiat nakah a mah khal a riahsiat ve thu a rak sim bet.Cu mi cu, “Farah pawl zaangfah lainat tu a si ruangah Pathian ka thangthat,” ti mi a si. Hi thuthang cu 16 September 2020 ah Vatican thuthang ih kan ngah mi a si.

https://bit.ly/3hxXhK0